URTEAN ZEHARREKO XXII. DOMEKA
A urtean
I. Irakurgaia
Jaunaren hitza irain- eta burla-bide da niretzat.
Jeremias Profetaren liburutik
Jr 20, 7-9
Liluratu egin nozu, Jauna, eta ni zure
lilurapean jausi;
behartu
egin nozu eta menperatu.
Barregarri
izan naz egun osoan; burlaka dabilkidaz danak.
Hitz
egiten dodan bakotxean, garrasi egiteko da;
indarkeria
eta zapalkuntza salatuz dei egin beharra dot;
Jaunaren
hitza irain eta burla-bide da niretzat egun guztian.
Hau
ninoan neure kautan: «Gogoratu be ez dot egingo;
ez
dot gehiago haren izenean berba egingo».
Baina,
orduan, sua lako zeozer sumatzen neban barruan;
hazurretaraino
erretzen ninduan;
ahalegintzen
nintzan ha itotzen, baina ezin!
Jaunak esana.
Erantzun salmoa
Sal 63 [62], 2. 3-4. 5-6. 8-9 (R/. ik. 2c)
R/. Zure egarriz daukat gogoa, Jauna, ene Jainkoa.
V/. Jainko, Zu ene Jainko,
goizetik
nabilkizu bila,
zure
egarriz daukat gogoa, zure gogo biziz ni nazan guztia,
lur
idor, agor, ur bakoa lez. R/.
V/. Holan egon nahi dot santutegian Zuri begira,
zure
indarra eta ospea ikusiz.
Bizia
baino ederragoa da-eta zure maitasuna,
goratuko
zaitue nire ezpanek. R/.
V/. Holan nahi zaitut bedeinkatu neure bizitzan,
eskuak
jaso zure izenean.
Jakirik
gozoenez lez naz asetuko,
eta
nire ezpanek poz-oihuz zaitue goratuko. R/.
V/. Zeu izan zaitut-eta laguntzaile;
pozez
egingo dot oihu zure egoen kerizpean.
Zuri
lotuta nago osorik,
eta
zure eskumeak deust eusten. R/.
II. Irakurgaia
Eskeini egizue zeuen burua opari bizi.
San Paulo Apostoluak Erromatarrei egindako epistolatik
Erm 12, 1-2
Senideok: Jainkoaren errukiagaitik eskatzen deutsuet eskeini dagizuela zeuen burua opari bizi, santu eta Jainkoarentzat atsegingarri; hori da egiazko zuen gurtza. Ez egokitu mundu honen eretxietara, erabarritu zaiteze, ostera, zeuen pentsakerea aldatuz; holan bereiztu ahal izango dozue zer dan Jainkoak nahi dauana, zer dan ona, atsegingarri jakona eta bikaina.
Jaunak esana.
Aleluia
Ik. Ef 1, 17-18
R/. Aleluia.
V/. Jesu Kristo gure Jaunaren Aitak
argitu
dagizala gure barruko begiak,
jakin
daigun zer itxarotera dei egin deuskun. R/.
Ebanjelioa
Nire ondoren
etorri nahi dauanak
uko egin begio
bere buruari.
✠ Jesu Kristoren Ebanjelioa San Mateoren liburutik
Mt 16, 21-27
Aldi haretan, Jesus ikasleei azaltzen
beharrezko zala berak Jerusalemera igotzea, eta han asko sufridu beharra ebala
abadeburuen eta lege-maisuen aldetik; hil egingo ebela eta hiru egunen buruan
biztuko zala. Orduan, Pedro, Jesus aparte harturik, gogor egiten hasi jakon:
«Ezelan be ez, Jauna! Ez jatzu holakorik gertatuko!»
Baina Jesusek, bihurturik, esan eutson
Pedrori: «Alde nire ondotik, Satanas! Oztopo zara Niretzat, ze zure asmoak ez
dira Jainkoarenak, gizakiarenak baino».
Jesusek esan eutsen, gainera, ikasleei:
«Nire ondorik etorri gura dauanak uko egin deiola bere buruari, hartu begi bere
kurutzea eta jarraitu beist. Izan be, bere bizia gorde gura dauanak galdu
egingo dau; bere bizia Nigaitik galtzen dauanak, ostera, eskuratu egingo dau.
Zertarako dau gizakiak mundu guztia
irabaztea, bere bizia galtzen badau? Eta zer emon leike gizakiak bizia barriro
eskuratzeko? Izan be, Gizonaren Semea bere Aitaren aintzaz beterik etorriko da
aingeruakaz eta orduan bakotxari bere jokabidearen arabera ordainduko deutso».
Jaunak esana.
URTEAN ZEHARREKO XXII. DOMEKA
B urtean
I. Irakurgaia
Ez gehitu ezer
nik agintzen deutsuedanari.
Bete Jaunaren
aginduak.
Deuteronomioa liburutik
Dt 4, 1-2. 6-8
Honan berba egin eutson Moisesek herriari:
«Orain, Israel, entzun irakasten deutsuedazan legeak eta erabagiak, eta bete.
Holan, biziko zarie eta Jaunak zeuen asaben Jainkoak emongo deutsuen lurraldean
sartuko zarie eta haren jaube egingo. Ez gehitu, ez kendu, nik agintzen
deutsuedanetik ezer; bestetara, bete nik emoten deutsuedazan Jaunaren, zeuen
Jainkoaren, aginduak.
Gorde egizuez eta bete, horrek jakintsu eta
buruargi egingo zaitue-eta herrien aurrean. Lege honeen barri izatean, esango
dabe: "Bai herri jakintsua eta buruargia nazino handi hau!"
Izan be, ba ete da nazino handirik, bere
jainkoak, guk Jauna geure Jainkoa baizen hur dituanik, dei egiten deutsagun
bakotxean? Ba ete da nazino handirik, gaur nik adierazoten deutsuedan irakaspen
hau baizen lege eta erabagi zuzenak dituanik?»
Jaunak esana.
Erantzun salmoa
Sal 15 [14], 2-3a. 3b-4b. 5 (R/. ik. 1a)
R/. Nor bizi, Jauna, zure etxean?
V/. Akatsik barik eta zuzen jokatzen dauana;
bihotzean
egiazale izan
eta
mihinaz inor zikintzen ez dauana. R/.
V/. Hurkoari
gatxik egiten ez deutsona,
auzokoa
iraintzen ez dauana.
Jaunak
baztertua gitxiesten dauana
eta jainkozaleak ohoratzen dituana. R/.
V/. Dirua lukurreriaz mailegatzen ez dauana
ezta
errubakoaren kaltetan eskupekorik hartzen be.
Holan
jokatzen dauana
ez
da sekula kili-kolo egongo. R/.
II. Irakurgaia
Bete egizue mezua.
Santiago Apostoluaren epistolatik
St 1, 17-18. 21b-22. 27
Ene senide maiteok: Emoitza on eta dohai
bikain guztiak goitik datoz, Aitagandik, aldaketarik eta ilunaldirik ez dauan
argien Egileagandik. Berak, halan nahita, bizia emon deusku egiaren mezuaz,
sorkari guztien artean lehenengoak izan gaitezan.
Onartu egizue otzan-otzan zuengan erein dan
eta zuek salbatzeko indartsu dan mezua. Bete egizue mezua, eta ez entzun
bakarrik, zeuen burua engainatuz.
Jainko Aitaren aurrean benetan garbi eta
akatsik bako erlijinoa hauxe da: umezurtzei eta alargunei euren preminetan
laguntzea, eta munduko gaiztakeriagaz nork bere burua ez kutsatzea.
Jaunak esana.
Aleluia
St 1, 18
R/. Aleluia.
V/. Aitak, halan nahita, bizia emon deusku
egiaren mezuaz,
sorkari
guztien artean lehenengoak izan gaitezan. R/.
Ebanjelioa
Zuek,
Jainkoaren agindua bazterrera itzi
eta giza ohitureari eusten deutsazue.
✠ Jesu Kristoren Ebanjelioa San Markosen liburutik
Mk 7, 1-8. 14-15. 21-23
Aldi haretan, Fariseuak eta Jerusalemdik
etorritako lege-maisu batzuk hurreratu jakozan Jesusi, eta ikasleetariko batzuk
esku lohiekin –hau da, eskuen garbiketa egin barik– jaten ebela ikusi
eben. Izan be, fariseuek, eta judeguek,
gehienek, ez dabe jaten aurretiaz eskuak arduraz garbitu barik, zaharren
ohiturari sendo eutsiz. Azokatik etxeratzean be, ez dabe jaten garbiketa egin
barik; eta badabe ohiturazko beste hamaika betebehar: esate baterako,
edalontzi, pitxer eta erraden garbiketa.
Holan bada, fariseuek eta lege-maisuek
itaundu eutsoen Jesusi: «Zergaitik ez dabe zure ikasleek zaharren ohiturari
dagokionez jokatzen? Zelan jaten dabe esku zikinakaz?» Jesusek erantzun eutsen:
«Itxurazaleok halakook! Ederto baten esan eban zuetaz Isaias profetak, honako
hau idatzi ebanean:
“Herri
honek
ezpanez
ohoratzen nau,
baina
Nigandik urruti dau bihotza;
alperrik nabe gurtzen,
honeen
irakaspena giza agindu hutsa da”.
Zuek,
Jainkoaren agindua bazterrera laga
eta
giza ohiturari eusten deutsazue».
Jesusek jenteari barriro dei egin eta esan
eutson: «Entzun danok eta ulertu ondo. Ez da ezer, kanpotik gizakiaren barrura
sartuz, berau zikindu leikenik; barrutik urteten deutsonak, horrek zikintzen
dau gizakia».
Eta gaineratu eban: «Barrutik urteten
dauanak, horrrek bai egiten dauala gizakia zikin. Izan be, barrutik, gizakiaren
bihotzetik, urteten dabe asmo txarrek, lizunkeriak, lapurretek, hilketek,
adulterioek, diru-goseak, gaiztakeriek, azpikeriak, nasaikeriak, bekaizkeriak,
irainek, harrokeriak, burubakokeriak. Txarkeria honeek guztiek barrutik urteten
dabe, eta honeek lohitzen dabe gizakia».
Jaunak esana.
URTEAN ZEHARREKO XXII. DOMEKA
C urtean
I. Irakurgaia
Apaldu zeure
burua,
eta Jaunaren
gogoko izango zara.
Siraken liburutik
Si 3, 19-21. 30-31 (gr. 17-18. 20. 28-29)
Seme, egin otzantasunez egiten dozun guztia,
eta
Jainkoaren begiko danak maite izango zaitu.
Zenbat
eta handiago izan,
orduan
eta gehiago apaldu zeure burua,
eta
Jaunaren gogoko izango zara;
handia
da-eta Jaunaren ahalmena, eta apalek dabe ha goresten.
Harroaren
ezbeharrak ez dau erremediorik,
gaiztakeriaren
landarea sustraituta daukalako beragan.
Buruargiak
jakituriazko esaerak hausnartzen ditu,
zuhur
egongo dan belarria gura dau gogo biziz jakintsuak.
Jaunak esana.
Erantzun salmoa
Sal 68 [67], 4-5ac. 6-7b. 10-11 (R/. ik. 11b)
R/. Zuk,
ene Jainko, zeure ontasunean
eratu dozu dohakabeentzat etxea.
V/. Zintzoak pozten dira,
Jainkoaren
aurrean alaitzen,
alai
eta pozez gainezka.
Kanta
Jainkoari, jo soinua haren izenari,
Jauna
dau izena, poztu zaiteze haren aurrean. R/.
V/. Umezurtzen aita da Jainkoa, alargunen
defendatzaile
bere
egoitza santutik.
Jainkoak
etxea emoten deutse baztertuei,
kantu
artean askatasuna presoei. R/.
V/. Euria ugari isuri zenduan, oi Jainko,
zeure
ondare jausia indarbarritu.
Hantxe
kokatu zan zure jentea,
Zuk,
ene Jainko, zeure ontasunean
errukarrientzat
eratutako lurrean. R/.
II. Irakurgaia
Sion mendira
hurreratu zarie zuek,
Jainko biziaren
urira.
Hebrearrei egindako epistolatik
Heb 12, 18-19. 22-24a
Senideok: Zuek ez zarie hurreratu,
israeldarrak lez, ikutu leiteken mendi batera, su kiskalgarria, hodei itxia,
ilunpea eta ekatxa egozan mendira; ez dozue entzun turuta-hotsik, ezta ahotsik
be. Ahotsa entzun eben israeldarrek gehiago ez ekiela berba egin eskatu eben.
Sion mendira hurreratu zarie zuek, Jainko
biziaren urira, zeruko Jerusalemera, Jainkoa goresteko batuta dagozan milaka
eta milaka aingerurengana, euren izenak zeruetan idatzita dabezan lehen-semeen
batzarrera, guztien epaile dan Jainkoagana, euren helburura heldu diran
zintzoen espirituetara, eta itun barriaren bitarteko dan Jesusengana.
Jaunak esana.
Aleluia
Mt 11, 29ab
R/. Aleluia.
V/. Hartu egizue nire buztarria, dino Jaunak,
eta
ikasi Nigandik,
gozoa
eta bihotz-apala naz-eta. R/.
Ebanjelioa
Bere burua
goratzen dauana beheratu egingo dau Jaunak,
eta bere burua beheratzen dauana goratu.
✠ Jesu Kristoren Ebanjelioa San Lukasen liburutik
Lk 14, 1. 7-14
Behin baten, zapatuz, fariseu-buruetako
baten etxera joan zan Jesus bazkaltzera, eta fariseuak begira egokozan
ezkutaturik. Konturatu zan Jesus zelan konbidatuek aurrerengo jarlekuak hartzen
zituen eta ohar honeek egin eutsezan:
«Ezteguetara konbidatzen zaitueenean, ez
jarri mahaiburuan, baleiteke-eta zu baino konbidatu ospetsuagoren bat izatea;
halan balitz, biok konbidatu zaituenak etorri eta esango leuskizu: “Itzi lekua
honi”. Orduan, azkeneko lekuan jesarri beharko zeunke lotsatuta.
Alderantziz, konbidatzen zaituenean, jarri
azkeneko lekuan, konbidatu zaituanak, datorrenean, esan deizun: “Adiskide, igon
gorago!” Holan, oso leku onean geldituko zara mahaikide guztien aurrean. Izan
be, bere burua goratzen dauana beheratu egingo dau Jaunak, eta bere burua
beheratzen dauana goratu».
Eta konbidatu ebanari esan eutson: «Bazkari
edo afariren bat emotean, ez konbidatu zeure lagunak, ezta senideak, ahaideak
edota auzoko aberatsak be; ze, hareek be konbidatu egingo zindukiez, eta holan
ordea hartuko zeunke. Jatordua emotean, konbidatu behartsuak, elbarriak,
herrenak eta itsuak. Zorionekoa zu orduan, ezingo deutsuelako ordaindu!
Zintzoak biztuko diranean jasoko dozu ordea».
Jaunak esana.