A urtean
(PPTX)
I. Irakurgaia
Abade-erreinu izango zaituet eta Neuri sagaratutako herri.
Urteera liburutik
Ur 19, 2-6a
Egun hareetan, israeldarrek Sinai
basamortura heldu eta han ipini eben kanpalekua, mendiaren aurrez aurre.
Jainkoagana igon eban Moisesek. Jaunak
menditik dei egin eta esan eutson: «Hitz egin Jakoben ondorengoei,
israeldarrei, eta adierazo hau: "Ikusi dozue zer egin deutsedan
egiptoarrei, eta zuek zelan eroan zaituedan arrano-hegoetan eta Neugana ekarri.
Orain, beraz, nire esana betetzen badozue eta nire ituna gordetzen, zeuok
izango zaituet herri guztien artean neure jaubetza berezia, nirea da-eta lur osoa;
abade-erreinu izango zaituet eta Neuri sagaratutako herri"».
Jaunak esana.
Erantzun salmoa
Sal 100 [99], 2. 3. 5 (R/. 3c)
R/. Jaunaren herri gara eta haren larreko artalde.
V/. Lurtar guztiok, egin irrintzi Jaunari,
zerbidu
egizue Jauna pozaren pozez,
sartu
zaiteze oihu alaiz haren aurrera. R/.
V/. Jakizue Jauna dala Jainkoa,
harek
egin gaitu, harenak gara,
haren
herri eta haren larreko artalde. R/.
V/. «Ona da-eta Jauna,
haren
maitasuna betikoa,
haren
leialtasuna gizaldiz gizaldikoa». R/.
II. Irakurgaia
Jainkoak
beragaz adiskidetu baginduzan
bere Semearen
heriotzari esker,
zenbatez gehiago ez ete gaitu salbatuko haren
biziari esker!
San Paulo Apostoluak Erromatarrei egindako epistolatik
Erm 5, 6-11
Senideok: Oraindino pekatupean indar barik
gengozala, Kristo, Jainkoak erabagitako sasoian, gaiztoen alde hil zan. Nekez
onartuko leuke norbaitek pertsona zuzen baten alde hiltzea; halan be, pertsona
on baten alde badaiteke norbait hiltzeko prest egotea.
Baina Kristo, ondino gu pekatari ginala, hil
zan gure alde; honan erakusten dau Jainkoak guri deuskun maitasuna.
Orain Jainkoak Kristoren odolaz zintzotzat
hartu gaituala, zenbatez gehiago ez ete gaitu salbatuko zigorretik beraren
bitartez!
Arerio ginala, Jainkoak beragaz adiskidetu
baginduzan bere Semearen heriotzari esker, zenbatez gehiago, behin adiskidetu
ezkero, ez ete gaitu salbatuko haren biziari esker! Askoz gehiago, harrotu be
egiten gara Jainkoaz Jesu Kristo gure Jaunari esker, honen bitartez Jainkoagaz
adiskidetzea lortu dogu-eta dagoeneko.
Jaunak esana.
Aleluia
Mk 1, 15
R/. Aleluia.
V/. Hurrean da Jainkoaren erregetza, dino Jaunak:
bihotz-barritu
zaiteze eta sinistu Barri Ona. R/.
Ebanjelioa
Jesusek bere
hamabi ikasleei dei egin
eta bialdu egin
ebazan.
✠ Jesu Kristoren Ebanjelioa San Mateoren liburutik
Mt 9, 36–10, 8
Aldi haretan, jentetza ikustean, erruki izan
eban Jesusek, nekatua eta lur jota egoan ha jentea, artzainik bako ardiak lez.
Orduan, ikasleei esan eutsen: «Uzta ugaria da, baina langileak gitxi. Erregutu,
bada, uzta-jabeari, bialdu dagizan beharginak bere uztara».
Jesusek, hamabi ikasleei dei eginik,
ahalmena emon eutsen espiritu txarrak botatzeko eta gatx eta gaixotasun guztiak
osatzeko.
Hona hemen hamabi apostoluen izenak:
lehenengo Simon, Pedro deritxona, eta honen anaia Andres; Santiago Zebedeorena
eta honen anaia Joan; Felipe eta Bartolome, Tomas eta Mateo zergalaria,
Santiago Alfeorena eta Tadeo, Simon Zelote eta Judas Iskariote, Jesus saldu
ebana.
Hamabi horreek bialdu zituan Jesusek, ohar
honeek eginez: «Ez joan jentilen lurraldeetara, ez sartu Samariako herrialdean
be, ezpada ze zoaze Israel herriko ardi galduetara. Bidean zoazeela, iragarri
hurrean dala zeruetako erreinua. Osatu egizuez gaixoak, biztu hildakoak,
garbitu legenardunak, bota deabruak. Hutsean hartu dozue, emon hutsean.
Jaunak esana.
URTEAN ZEHAR XI. DOMEKA
B urtean
I. Irakurgaia
Zuhaitz txikia goratu egiten dot Nik.
Ezekielen Profezia liburutik
Ez 17, 22-24
Honan berba egiten dau Jainko Jaunak:
«Zedro
garaiaren adaburutik hartuko dot Neuk be,
kimu
bat hartuko dot haren adar-puntatik,
eta
mendi garai eta bikain baten landatuko.
Israelgo
mendi garaian landatuko dot;
adarrak
zabalduko ditu eta frutua emongo,
zedro
bikain bihurtuko.
Mota
guztietako hegaztiak biziko dira bertan
eta
habia egingo haren kerizpean.
Basoko
zuhaitz guztiek jakingo dabe
Nik,
Jaunak, zuhaitz garaia beheratu
eta
txikia goratu egiten dodala,
zuhaitz
hezea igartu eta igarra heze-barritu.
Nik,
Jaunak, esandakoa bete egingo dot».
Jaunak esana.
Erantzun salmoa
Sal 92 [91], 2-3. 13-14. 15-16 (R/. ik. 2a)
R/. Bai ederra, Jauna, Zu gorestea!
V/. Bai ederra, Jauna, Zu gorestea
eta
zure izena, Goi-goiko, kantuz ospatzea,
goizean
zure maitasuna iragartzea
eta
gauean zure leialtasuna! R/.
V/. Zintzoa palmondoa lez garatuko da,
Libanoko
zedroa lez haziko;
Jaunaren
etxean landatua,
gure
Jainkoaren atarietan garatuko da. R/.
V/. Zaharturik be emongo dau frutua,
mardul
eta heze iraungo dau,
Jauna
zuzena dala iragartzeko,
nire
harria, gaiztakeriarik ez dauana. R/.
II. Irakurgaia
Gorputzean
nahiz gorputzetik kanpo,
Jaunari
atsegingarri izaten ahalegintzen gara.
San Paulo Apostoluak Korintoarrei egindako bigarren epistolatik
2 Ko 5, 6-10
Senideok: Uste onez beteak gagoz beti,
jakinik, gorputz honetan bizi garan bitartean, Jaunagandik erbesteratuak
gagozala. Sinismenaren argiak gidatzen gaitu, eta ez ikusten dogunak. Uste onez
gagoz, bai, baina nahiago geunke gorputz honetatik erbesteratuak izan, Jaunagaz
bizitzera joateko.
Edozelan be, gorputzean nahiz gorputzetik
kanpo, Jaunari atsegingarri izaten ahalegintzen gara; guztiok Kristoren
auzitegian agertu behar dogu-eta, nork bere ordaina hartzeko, gorputzean bizi
zala egindako onaren ala txarraren arabera.
Jaunak esana.
Aleluia
R/. Aleluia.
V/. Hazia Jainkoaren hitza da;
ereilea,
barriz, Kristo;
honi
entzuten deutsanak betiko bizia izango dau.
R/.
Ebanjelioa
Hazi guztietan
txikiena da
eta barazki
guztiak baino handiagoa egiten da.
✠ Jesu Kristoren Ebanjelioa San Markosen liburutik
Mk 4, 26-34
Aldi haretan, Jesusek esan eutson jenteari:
«Jainkoaren erreinua gizonak lurrean hazia ereitean gertatzen danaren antzekoa
da; ha lo nahiz iratzarririk egon, gau eta egun, hazia erne eta garatu egiten
da, harek zelan ez dakiala. Lurrak berez emoten dau frutua: lehenengo landarea,
gero galburua eta, azkenik, burua bete garau. Eta garia heltzean, igitaiaz
ekiten jako, uztaroa da-eta».
Beste hau be esan eutsen: «Zeren antzeko
dala esango geunke Jainkoaren erreinua? Zein parabolaren bidez adierazo geinke?
Mostaza-haziaren antzekoa da: lurrean ereitean, hazi guztietan txikiena da;
erein eta gero, ostera, gora egiten dau eta beste ortuari guztiak baino
handiago egiten da; eta hain handiak dira botatzen dituan adarrak ze, txoriek
habia egiten dabe haren gerizpean».
Holako parabola askoren bidez iragartzen
eutsen Jesusek mezua, hareek ulertzeko eran. Ez eutsen ezer irakasten parabola
bidez izan ezik; baina bere ikasleei, bakarrean, guztiaren esangurea adierazten
eutsen.
Jaunak esana.
URTEAN ZEHAR XI. DOMEKA
C urtean
I. Irakurgaia
Parkatu deutsu
Jaunak zure pekatua;
ez zara hilko.
Samuel bigarren liburutik
2 Sm 12, 7-10. 13
Egun hareetan, Natan profetak esan eutson
Davidi: «Hona zer dinotsun Jaunak, Israelen Jainkoak: "Neuk igurtzi zaitut
Israelgo errege, eta Saulen eskuetatik askatu; zeure nagusiaren etxea emon
deutsut eta haren emazteak zeure besoetan ipini; Israelgo eta Judako erreinuak
emon deutsudaz. Eta hori gitxi balitz, askoz handiagoak be emongo deutsudaz.
Zergaitik gitxietsi dozu Jaunaren esana, haren begietan oker dana eginez?
Amondarren eskuz hilarazo dozu Urias hitita ezpataz, eta haren emaztea zeure
emazte egin. Horregaitik, Urias hititaren emaztea zeure emazte eginez Ni
gitxietsi nozulako, ez jatzu inoiz be burrukarik faltako etxean"».
Davidek esan eutson Natani: «Pekatu egin dot
Jaunaren aurka». Eta Natanek Davidi: «Jaunak, halan be, parkatu deutsu pekatua;
ez zara hilko».
Jaunak esana.
Erantzun salmoa
Sal 32 [31], 1-2. 5. 7 eta 11 (R/. ik. 5c)
R/. Parkatu, Jauna, nire pekatuaren errua.
V/. Zorionekoa hobena kendu
eta
pekatua parkatu deutsoena.
Zorionekoa
Jaunak errurik botatzen ez deutsana,
barruan
maltzurkeriarik ez dauana. R/.
V/. Orduan, autortu neutsun neure pekatua,
neure
errua ez neutsun ezkutatu.
Esan
neban: «Autortuko deutsat Jaunari neure hobena»,
eta
Zuk parkatu zeunstan neure pekatuaren errua. R/.
V/. Zeu zaitut babesleku, arriskutik libratzen
nozu,
askapen-kantuz
inguratzen.
Poztu
eta alaitu Jaunagan, zintzoak,
egin
pozez oihu, bihotz zuzeneko guztiok. R/.
II. Irakurgaia
Honezkero ez naz neu bizi, Kristo bizi da nigan.
San Paulo Apostoluak Galaziarrei egindako epistolatik
Ga 2, 16. 19-21
Senideok: Badakigu Jainkoak ez dauala
gizakia zintzotzat hartzen legea betetzeagaitik, Jesu Kristogan sinisteagaitik
baino; eta guk Kristo Jesusengan sinistu dogu, Jainkoak Kristoganako
fedeagaitik zintzotzat hartu gagizan, eta ez legea betetzeagaitik. Izan be,
Jainkoak ez dau inor zintzotzat hartzen legea betetzeagaitik.
Ni legeak eroan ninduan legeagazko lokarria
etetera, Jainkoarentzat bizitzeko. Kristogaz kurutzeratuta nago, eta honezkero
ez naz neu bizi, Kristo bizi da nigan. Eta bere bizia nire alde emoteraino
maitatu ninduan Jainkoaren Semeaganako sinismenean oinarriturik bizi dot
oraingo neure giza bizitza. Ez dot Jainkoaren onginahia alperreko bihurtu nahi.
Baina egia balitz Jainkoak legea betetzeagaitik hartzen gaituala zintzotzat,
alperrik hil izango zan Kristo.
Jaunak esana.
Aleluia
1 Jn 4, 10b
R/. Aleluia.
V/. Jainkoak gu maite izan gaitu,
eta
bere Semea
gure
pekatuen parkamen-oparitzat bialdu dau. R/.
Ebanjelioa
Ebanjelio hau era laburrean ik. honen ondoren.
Hainbesteko
maitasuna agertzen dauanean,
pekatu asko
parkatu jakon seinale da.
✠ Jesu Kristoren Ebanjelioa San Lukasen liburutik
Lk 7, 36–8, 3
Aldi haretan, fariseu batek bazkaltzera
gonbidatu eban Jesus. Joan zan, bada, Jesus fariseuaren etxera eta mahaian
jarri zan. Honetan, emakume bat, herrian pekatari lez ezaguna, Jesus
fariseuaren etxean bazkaltzen zala jakinik, bertara joan zan, harzurizko ontzi
bat ukendu eroiala. Jesusen atzean, oinen ondoan, jarri zan negarrez, eta haren
oinak malkoz bustitzen hasi zan; gero, uleaz lehortu eta mosukatu ostean,
ukenduz igurtzi eutsozan.
Hori ikusirik, konbidatu eban fariseuak
inoan bere barruan: «Benetan profeta balitz, jakin beharko leuke zer-nolakoa
dan bera ikutzen diharduan emakumea, pekataria da-eta».
Jesusek esan eutson: «Simon, badot zerbait
zuri esateko». Harek erantzun: «Esaizu, Maisu».
«Mailegu-emoile batek zordun bi zituan:
batak bostehun denario zor eutsozan, eta besteak berrogeta hamar. Nondik ordaindu
ez eukela, parkatu egin eutsen biei. Bietako zeinek izango ete dau maiteen?»
Simonek erantzun eutson: «Gehien parkatu jakonak, nik uste». Jesusek esan
eutson: «Zuzen dinozu».
Eta, emakumeagana bihurturik, Simoni esan
eutson: «Ikusten dozu emakume hau? Zuenean sartu nazanean, zuk ez deustazu
oinak garbitzeko urik emon; honek, ostera, malkoz busti deustaz oinak eta bere
uleaz lehortu. Zuk ez nozu mosua emonez agurtu; hau, ostera, sartu danetik ez
da gelditu nire oinei mosu emoten. Zuk ez deustazu burua olioz igurtzi; honek,
ostera, oinak ukenduz igurtzi deustaz. Hauxe dinotsut, beraz: hainbesteko
maitasuna agertzen dauanean, pekatu asko parkatu jakon seinale da; gitxi
parkatu jakonak maitasun gitxi agertzen dau».
Eta emakumeari esan eutson: «Parkatuak dituzu
pekatuak».
Beste bazkaltiarrak euren artean esaten hasi
ziran: «Nor ete dogu pekatuak parkatzen dituan hau?»
Baina Jesusek esan eutson emakumeari: «Zeure
sinismenak salbatu zaitu. Zoaz bakean».
Honen ondoren herriz herri eta auzorik auzo
ibili zan Jesus, Jainkoaren erregetzaren Barri Ona iragartzen. Beragaz zituan
Hamabiak, baita espiritu gaiztoetatik eta gatxetatik osatu zituan andra batzuk
be: Maria Magdalena –honengandik zazpi deabru bota zituan–, Joana –Herodesen
etxejagole Kusaren andrea–, Susana eta beste asko; honeek euren ondasunez
laguntzen eutsien Jesusi eta honen ikasleei.
Jaunak esana.
Ebanjelioa era laburrean.
Hainbesteko
maitasuna agertzen dauanean,
pekatu asko
parkatu jakon seinale da.
✠ Jesu Kristoren Ebanjelioa San Lukasen liburutik
Lk 7, 36-50
Aldi haretan, fariseu batek bazkaltzera
gonbidatu eban Jesus. Joan zan, bada, Jesus fariseuaren etxera eta mahaian
jarri zan. Honetan, emakume bat, herrian pekatari lez ezaguna, Jesus
fariseuaren etxean bazkaltzen zala jakinik, bertara joan zan, harzurizko ontzi
bat ukendu eroiala. Jesusen atzean, oinen ondoan, jarri zan negarrez, eta haren
oinak malkoz bustitzen hasi zan; gero, uleaz lehortu eta mosukatu ostean,
ukenduz igurtzi eutsozan.
Hori ikusirik, konbidatu eban fariseuak
inoan bere barruan: «Benetan profeta balitz, jakin beharko leuke zer-nolakoa
dan bera ikutzen diharduan emakumea, pekataria da-eta».
Jesusek esan eutson: «Simon, badot zerbait
zuri esateko». Harek erantzun: «Esaizu, Maisu».
«Mailegu-emoile batek zordun bi zituan: batak
bostehun denario zor eutsozan, eta besteak berrogeta hamar. Nondik ordaindu ez
eukela, parkatu egin eutsen biei. Bietako zeinek izango ete dau maiteen?»
Simonek erantzun eutson: «Gehien parkatu jakonak, nik uste». Jesusek esan
eutson: «Zuzen dinozu».
Eta, emakumeagana bihurturik, Simoni esan
eutson: «Ikusten dozu emakume hau? Zuenean sartu nazanean, zuk ez deustazu
oinak garbitzeko urik emon; honek, ostera, malkoz busti deustaz oinak eta bere
uleaz lehortu. Zuk ez nozu mosua emonez agurtu; hau, ostera, sartu danetik ez
da gelditu nire oinei mosu emoten. Zuk ez deustazu burua olioz igurtzi; honek,
ostera, oinak ukenduz igurtzi deustaz. Hauxe dinotsut, beraz: hainbesteko
maitasuna agertzen dauanean, pekatu asko parkatu jakon seinale da; gitxi
parkatu jakonak maitasun gitxi agertzen dau». Eta emakumeari esan eutson:
«Parkatuak dituzu pekatuak».
Beste bazkaltiarrak euren artean esaten hasi
ziran: «Nor ete dogu pekatuak parkatzen dituan hau?»
Baina Jesusek esan eutson emakumeari: «Zeure
sinismenak salbatu zaitu. Zoaz bakean».
Jaunak esana