URTEAN
ZEHARREKO XXX. DOMEKA
A urtean
I. Irakurgaia
Alargunari eta
umezurtzari kalterik egiten badeutsazue,
sutuko da nire
hasarrea zuen aurka.
Urteera liburutik
Ur 22, 20-26
Honan dino Jaunak: «Ez txarto erabili, ez
zapaldu etorkina, zuek be etorkin izan zarie-eta Egipton.
Ez egin kalterik alargunari eta umezurtzari;
izan be, kalte egiten badeutsazue, hareek Nigana laguntza eske deadar egitean,
entzun egingo deutset-eta, sutuko da nire hasarrea eta ezpataz hilko zaituet;
orduan, zuen emazteak bihurtuko dira alargun, eta zuen seme-alabak umezurtz.
Zuekin bizi dan nire herriko behartsuren
bati dirua aurreratzen badeutsazu, ez izan zeken beragaz, ez ezarri interesik.
Zeure lagun hurkoari soingainekoa hartzen badeutsazu bahituran, bihurtu egiozu
eguzkia sartzerako; ez dau-eta hori beste estalkirik. Zegaz babestuko da,
bestela, lo egiteko? Laguntza eske deadar egitean, entzun egingo deutsat,
errukiorra naz-eta Ni».
Jaunak esana.
Erantzun salmoa
Sal 18 [17], 2-3b. 3c-4. 47 eta 51ab (R/. 2)
R/. Maite zaitut, Jauna, neure indar!
V/. Maite zaitut, Jauna, neure indar!
Jauna
da nire hatx, nire gaztelu,
bera
nire askatzaile. R/.
V/. Nire Jainko, nire harkaitz babesgarri,
nire
babeski eta salbazino-indar,
nire
gordeleku goragarri.
Dei
egin neutsan Jaunari,
eta
salbatu ninduan arerioakandik. R/.
V/. Gora Jauna! Bedeinkatua nire harkaitza!
Goratua
nire Jainko salbatzailea,
garaipen
handiak emon deutsoz erregeari,
maitasuna
agertu deutso bere igurtzitakoari. R/.
II. Irakurgaia
Sasijainkoak
itzi zenduezan,
Jainkoa
zerbitzeko
eta haren
Semearen zain egoteko.
San Paulo Apostoluak Tesalonikarrei egindako lehenengo epistolatik
1 Ts 1, 5c-10
Senideok: Ondo dakizue zuen artean egin
genduan guztia zuen onerako izan zana. Eta zuek gu eta Jauna eredutzat hartu
ginduzuezan, Espiritu Santuaren pozez onartu zenduen-eta Jainkoaren mezua,
atsekabe askoren artean izanik be. Holan, eredu izan zarie Mazedoniako eta
Akaiako fededun guztientzat.
Izan be, zuenetik zabaldu da Mazedoniara eta
Akaiara Jaunaren mezua; eta eskualde horreetara ez ezik, bazter guztietara be
heldu da Jainkoagan dozuen sinismenaren entzutea, guk ezer esan beharrik barik.
Hatan be, hareek kontatzen dabe zelako harrerea egin zeunskuen zuengana joan
ginanean eta zelan, sasijainkoak itzirik, Jainko bizi eta egiazkoagana bihurtu
zinien, bera zerbitzeko eta zerutik etorriko dan haren Seme Jesusen zain
egoteko. Jainkoak hildakoen artetik biztu eban Jesus, eta honek askatu gaitu
etortzekoa dan hasarre-zigorretik.
Jaunak esana.
Aleluia
Jn 14, 23
R/. Aleluia.
V/. Ni maite nauanak gordeko dau nire hitza, dino
Jaunak;
nire
Aitak maite izango dau,
eta
Aita eta biok harengana etorriko gara. R/.
Ebanjelioa
Maitatu egizu
Jauna zeure Jainkoa
eta lagun
hurkoa zeure burua lez.
✠ Jesu Kristoren Ebanjelioa San Mateoren liburutik
Mt 22, 34-40
Aldi haretan, Jesusek saduzearrak berba
barik itzi zituala jakitean, alkarregaz batu ziran fariseuak, eta euren arteko
legegizon batek azpikeriaz itaundu eutson Jesusi: «Maisu, zein da legeko
agindurik nagusiena?»
Jesusek erantzun: «Maitatu egizu Jauna zeure
Jainkoa bihotz-bihotzez, gogo osoz eta adimen guztiz”. Hauxe da agindurik
nagusiena eta lehenengoa. Eta bigarrena horren parekoa da: “Maitatu lagun
hurkoa zeure burua lez”. Agindu bi honeetan oinarritzen dira Liburu Santu
guztiak».
Jaunak esana.
URTEAN ZEHARREKO XXX. DOMEKA
B urtean
I. Irakurgaia
Itsuak eta herrenak ekarriko ditut.
Jeremias Profetaren liburutik
Jr 31, 7-9
Honan dino Jaunak:
«Egin
oihu pozaren pozez Jakoben herriagaitik,
egin
irrintzi herrien buru danagaitik.
Egin
oihu, goratu Jauna, esanez:
"Salbatu
dau Jaunak bere herria,
Israelen
bizirik geldituak".
Begira,
iparraldetik ekarriko ditut,
lurreko
azken mugetatik batuko.
Jentetza
izugarria bihurtuko da:
horreen
artean itsuak eta herrenak,
umedunak
eta umea izan barriak batera.
Negar
eta otoitz artean ekarriko ditut.
Ondo
ureztaturiko ibarretan zehar eroango ditut,
estropezurik
egingo ez daben bide zelaian zehar,
Aita
izango naz Israelentzat,
nire
lehen-seme izango da bera».
Jaunak esana.
Erantzun salmoa
Sal 126 [125], 1-2b. 2c-3. 4-5. 6 (R/. ik. 3)
R/. Gugaz handikiro jokatu dau Jaunak;
hau da poza daukaguna!
V/. Jaunak Sionen zoria aldatu ebanean,
amesetan
lez gengozan.
Barrez
bete jakun orduan ahoa,
poz-oihuz
mihina. R/.
V/. Jentil-herrietan be esan eben:
«Handikiro
jokatu dau Jaunak hareen alde».
Handikiro
jokatu dau Jaunak gure alde,
eta
pozarren gagoz! R/.
V/. Aldatu, Jauna, gure zoria,
euri-jasek
basamortua lez.
Malkoz
erein ebenek
pozez
batzen dabe. R/.
V/. Negarrez joan ziran,
hazi-zorroa
eroanez;
poz-oihuka
datoz,
gari-azaoak
ekarriz. R/.
II. Irakurgaia
Abade zara Zu,
Melkisedek lez,
betiko.
Hebrearrei egindako epistolatik
Heb 5, 1-6
Abade nagusia gizonen artetik hartua eta
Jainkoaren aurrean gizon-emakumeen ordezkari izateko jarria izaten da,
pekatuakaitik emoitzak eta opariak eskeintzeko.
Badaki ezjakinez eta okerbideratuez
errukitzen, bera be giza makaltasunaz inguratuta dagoan ezkero. Horregaitik,
bere pekatuakaitik be opariak eskeini behar ditu, herriaren pekatuakaitik lez.
Eta ezin dau inork abade nagusitzaren ohorea beretzat hartu, Jainkoak deiturik
ez bada, Aaronek lez.
Holan, Kristok be ez eutson berak emon bere
buruari abade nagusitzaren ospea, Jainkoak baino, honan berba egin eutson-eta:
«Nire
Seme zara Zu,
Neuk
zaitut gaur sortu».
Beste salmo baten be hau esaten deutso:
«Abade zara Zu, Melkisedek lez, betiko».
Jaunak esana.
Aleluia
Ik. 2 Tm 1, 10
R/. Aleluia.
V/. Kristo Jesus gure salbatzaileak heriotza
ezereztu dau
eta
bizia argitu Barri Onaren bidez. R/.
Ebanjelioa
Ikusi dagidala, Maisu!
✠ Jesu Kristoren Ebanjelioa San Markosen liburutik
Mk 10, 46-52
Aldi haretan, Jesus ikasleekin eta jentetza
handiagaz Jerikotik urtetean, Bartimeo itsua, Timeoren semea, eskean egoan
bide-ertzean jarrita. Jesus Nazaretarra zala jakitean, deadarka hasi zan:
«Daviden Seme, Jesus, erruki zakidaz!» Askok gogor egiten eutson isildu
eragiteko; baina harek indartsuago egiten eban oihu: «Daviden Seme, erruki
zakidaz!»
Jesusek gelditu eta itsuari dei egiteko
agindu eban. Deitu eutsoen, esanez: «Izan bihotz! Jagi, deika dabilkik». Bere
soingainekoa jaurtiz, salto baten zutundu eta Jesusengana joan zan. Jesusek
itaundu eutson: «Zer nahi dozu Nik zuri egitea?» Itsuak erantzun: «Ikusi
dagidala, Maisu!» Jesusek esan eutson: «Zoaz, zeure sinismenak osatu zaitu».
Une haretan bertan berreskuratu eban ikusmena, eta Jesusen ondorik joian
bidean.
Jaunak esana.
URTEAN ZEHARREKO XXX. DOMEKA
C urtean
I. Irakurgaia
Apalaren otoitzak hodeiak zulatzen ditu.
Siraken liburutik
Si 35, 15b-17. 20-22a (gr. 12-14. 16-18)
Epailea da Jauna,
eta
ez dau harengan eraginik inoren izenak:
ez
dau alderdikeriarik egiten behartsuaren kontra
eta
entzuten dau zapalduaren eskaria.
Ez
dau umezurtzaren erregua mespretxatzen,
ezta
negarti doakion alarguna be.
Jaunak
gogo onez hartzen dau bera zerbitzen dauana,
eta
honen eskaria zeruraino heltzen da.
Apalaren
otoitzak hodeiak zulatzen ditu
eta
ez dau onik bere helmugara heldu arte;
ez
dau atzera egiten, Goi-goikoak esku hartu
eta
errubakoei justizia egin arte.
Jaunak esana
Erantzun salmoa
Sal 34 [33], 2-3. 17-18. 19 eta 23 (R/. 7a)
R/. Dohakabeak oihu egin eban, eta Jaunak entzun.
V/. Bedeinkatuko dot aldi oro Jauna,
nire
ahoan beti haren gorespena.
Harro
nago Jaunagaz,
entzun
begie apalek eta poztu beitez. R/.
V/. Gaizkileen aurka Jaunaren aurpegia,
lurretik
ezabatzeko hareen oroipena.
Deadar
egiten dabe zintzoek, eta Jaunak entzun,
larrialdi
guztietatik libratzen ditu. R/.
V/. Hurrean dabe Jauna bihotz-hausiek,
salbatzen
ditu barru-jausiak.
Jaunak
askatzen dau bere zerbitzarien bizia,
harengan
babesten diranek ez dabe zigorrik izango. R/.
II. Irakurgaia
Honezkero zain daukat garaipenaren koroa.
San Paulo Apostoluak Timoteori egindako bigarren epistolatik
2 Tm 4, 6-8. 16-18
Anaia maitea: Ni neure bizia opari
eskeintzeko zorian nago; gainean dot mundu honetatik joateko ordua. Burruka ona
egin dot, amaitu dot lasterketa, gorde dot sinismena. Honezkero zain dot
garaipenaren koroa, Jaunak, epaile zuzenak, azken egunean emongo deustan koroa;
eta niri ez ezik, baita haren agerraldia maitasunez itxaroten daben guztiei be.
Nire auziko lehenengo defentsan ez eban inok
urten nire alde; bakarrik itzi ninduen danek; Jainkoak ez deiela kontuan hartu.
Baina Jauna neugaz izan neban eta indartu egin ninduan, nire bidez mezua osorik
iragarria izan eiten eta jentil guztiek entzun egien. Berak atara ninduan
lehoiaren ahotik. Jaunak atarako nau gatx guztitik eta salbatuko, zeruko bere
erreinura eroanez. Berari aintza gizaldien gizaldietan. Amen.
Jaunak esana.
Aleluia
2 Ko 5, 19
R/. Aleluia.
V/. Jainkoak ziharduan Kristogan mundua beragaz
adiskidetzen,
eta
geuri emon deusku adiskidetzearen mezua. R/.
Ebanjelioa
Zergalaria
Jainkoagaz adiskideturik bihurtu zan etxera;
fariseua,
barriz, ez.
✠ Jesu Kristoren Ebanjelioa San Lukasen liburutik
Lk 18, 9-14
Aldi haretan, parabola hau esan eutsen
Jesusek euren buruak zintzotzat hartzen eta besteak gitxitzat jotzen ebezan
batzuri: «Gizon bik igon eben tenplura otoitz egitera, bata fariseua eta bestea
zergalaria. Fariseuak, zutunik, holan egiten eban otoitz bere barruan:
“Eskerrak emoten deutsudaz, ene Jainko, besteen modukoa ez nazalako: lapur,
gaizkile, adulteriogile; ezta horko zergalari horren modukoa be. Astean bitan
egiten dot barau, eta daukadazan guztien hamarrenak emoten ditut”.
Zergalaria, barriz, urrun geldituta, ez zan
begiak zerura jasotzera be ausartzen, ezpada ze, bular joka ebilen, esanez:
“Ene Jainko, erruki zakioz pekatari honi!”
Hara zer dinotsuedan: azkeneko hau
Jainkoarekin adiskidetuta bihurtu zan etxera; bestea, barriz, ez. Izan be, bere
burua goratzen dauana beheratu egingo dau Jainkoak, eta bere burua beheratzen
dauana goratu».
Jaunak esana.