URTEAN ZEHARREKO XIV. DOMEKA
A urtean
I. Irakurgaia
Hara, badatorkizu zeure erregea apal.
Zakariasen Profezia liburutik
Za 9, 9-10
Honan berba egin dau Jaunak:
«Poztu
biziro, Sion uri eder!
Egin
irrintzi, Jerusalem uriburu!
apal
eta asto baten gainean, astakume baten gainean.
Berak
hondatuko ditu Efraimgo guda-gurdiak
eta
Jerusalemgo zaldiak;
hausiko
ditu guda-uztaiak, eta bakea iragarriko deutse nazinoei.
Itsasotik
itsasora aginduko dau,
Eufrates
ibaitik lurraren azken mugetaraino».
Jaunak esana.
Erantzun salmoa
Sal 145 [144], 1-2. 8-9. 10-11. 13c-14 (R/. 1)
R/. Ene Jainko, ene errege,
bedeinkatuko dot zure izena betiere.
Edo: Aleluia.
V/. Goratuko zaitut, ene Jainko, ene errege,
bedeinkatuko
dot zure izena betiere.
Egunero
zaitut bedeinkatuko,
beti
dot zure izena goratuko. R/.
V/. Errukiorra eta bihozbera da Jauna,
hasarregatxa
eta onginahiz betea.
Ona
da Jauna guztientzat,
errukiz
betea bere sorkari guztientzat. R/.
V/. Goratu zagiezala, Jauna, zeure sorkari
guztiek,
bedeinkatu
zeure fededunek;
aitatu
begie zure erregetza ospetsua,
berba
egin begie zure ahalmenaz. R/.
V/. Fidagarria da Jauna bere hitz guztietan,
leiala
bere egintza guztietan.
Jaunak
eusten deutse jausteko zorian dagozanei,
eta
jasotzen ditu lur joak. R/.
II. Irakurgaia
Espirituaren
bidez gorputzaren egiteak hilarazoten badozuez,
biziko zarie.
San Paulo Apostoluak Erromatarrei egindako epistolatik
Erm 8, 9. 11-13
Senideok: Zuek ez zarie grina txarren
menpean bizi, Espirituaren menpean baino, Jainkoaren Espiritua zuengan bizi
da-eta.
Norbaitek Kristoren Espiritua ez badau, hori
ez da Kristorena. Jesus hilen artetik biztu eban Jainkoaren Espiritua zuengan
bizi bada, Kristo hilen artetik biztu ebanak berak biziarazoko ditu zuen
gorputz hilkorrak be, zuengan bizi dan Espirituaren bitartez.
Zorretan gagoz, beraz, senideok, baina ez
grina txarrekin, horreen arabera bizitzeko. Holan bizi bazarie, hil egingo
zarie; baina Espirituaren bidez giza egintza gaiztoei uko egiten badeutsezue,
biziko zarie.
Jaunak esana.
Aleluia
Ik. Mt 11, 25
R/. Aleluia.
V/. Bedeinkatua Zu, Aita, zeru-lurren Jauna,
erreinuari
buruzko Barri Ona
jente
apalari agertu deutsazulako. R/.
Ebanjelioa
Gozoa eta bihotz-apala naz.
✠ Jesu Kristoren Ebanjelioa San Mateoren liburutik
Mt 11, 25-30
Aldi haretan, Jesusek esan eban:
«Bedeinkatua Zu, Aita, zeru-lurren Jauna, gauza honeek jakintsuei eta burutsuei
gorde eta jente txikiari agertu deutsazuzalako. Bai, Aita, halan izan dozu
gogoko.
Nire Aitak dana emon deust, eta ez dau inork
Semea ezagutzen, Aitak baino; ezta Aita be, Semeak baino, eta Semeak agertu
gura deutsanak baino.
Zatoze Neugana nekatu eta lanpetu guztiok,
eta Neuk arinduko zaituet. Hartu egizue nire buztarria eta ikasi Neugandik, ze
gozoa eta bihotz-apala naz, eta aurkituko dozue zeuen arimentzako atsedena.
Izan be, Nire buztarria leuna da, eta nire zama arina».
Jaunak esana.
URTEAN ZEHARREKO XIV. DOMEKA
B urtean
I. Irakurgaia
Jakingo dau
herri bihurri horrek
badauala
profeta bat bere artean.
Ezekielen Profezia liburutik
Ez 2, 2-5
Egun hareetan, Jaunaren espiritua sartu zan nigan eta zutunik jarri ninduan, eta berba egiten eustanari entzun neutsan esaten: «Gizaseme, israeldarrengana bialtzen zaitut, jente bihurri horrengana; horreek eta horreen asabak nire aurka jagi dira gaur arte. Seme-alaba burugogor eta setatsu horreengana bialtzen zaitut nire mezua adierazotera. Holan, entzun ala ez, jakingo dau herri bihurri horrek badauala profeta bat bere artean».
Jaunak esana.
Erantzun salmoa
Sal 123 [122], 1. 2. 3-4 (R/. ik. 2ce)
R/. Gure begiak Jaunagana dagoz,
gutaz erruki dadin arte.
V/. Zugana jasotzen ditut begiak,
zeruan
errege zaran horrengana. R/.
V/. Zelan morroien begiak nagusien eskuetara
eta
neskamearen begiak etxekoandrearen eskuetara,
halan
dagoz gure begiak Jaunagana,
gure
Jainkoagana,
gutaz
errukitu dadin arte. R/.
V/. Erruki gutaz, Jauna, erruki!
Buruz
gain gagoz mespretxuz,
buruz
gain ustetsuen burlaz,
harroen
irainez. R/.
II. Irakurgaia
Pozik harrotuko
naz neure makaltasunez,
Kristoren
indarra bizi dadin nigan.
San Paulo Apostoluak Korintoarrei egindako bigarren epistolatik
2 Ko 12, 7-10
Senideok: Neure burua dan baino handiagotzat
jo ez dagidan, haragian sartuta daukadan eztena emon jat, jo eta jo narabilan
Satanasen ordezkaria, harrotu ez nadin. Hiru aldiz eskatu deutsat Jaunari,
kendu deidala, baina harek esan deust: «Nahikoa dozu nire laguntza, nire
indarra makaltasunean gauzatzen da-eta bete-betean».
Pozik harrotuko naz, beraz, neure
makaltasunaz, Kristoren indarra bizi dadin nigan. Pozik nabil, beraz,
Kristogaitik jasaten ditudan makaltasuna, irain, beharrizan, erasoaldi eta
estualdietan. Makal nazanean, orduan naz-eta indartsu.
Jaunak esana.
Aleluia
Ik. Lk 4, 18
R/. Aleluia.
V/. Behartsuei Barri Ona emotera bialdu nau
Jaunak,
katiguei
askatasuna iragartzera. R/.
Ebanjelioa
Profetari
edonon emoten deutsoe ohore,
bere herrian
izan ezik.
✠ Jesu Kristoren Ebanjelioa San Markosen liburutik
Mk 6, 1-6
Aldi haretan, Jesus bere herrira joan zan,
ikasleak ondoren ebazala. Hurrengo zapatuan, sinagogan irakasten hasi zan.
Entzule askok, harriturik, hauxe inoen: «Nondik dau honek hori guztia? Zer da
emon jakon jakituria hori? Eta honen eskuz gertatzen diran mirari horreek? Hau
ez ete da, ba, arotza, Mariaren semea eta Santiago, Jose, Judas eta Simonen
anaia? Eta honen arrebak be ez ete dira hemen gure artean bizi?» Eta ezin eben
sinistu harengan.
Jesusek esan eutsen: «Ez dago profetarik
ohoratua ez danik, bere herrian, senitartean eta etxean izan ezik».
Eta ezin izan eban han miraririk egin; halan
be, gaixo bakar batzuk osatu zituan, eskuak gainean ezarriz. Eta harrituta
egoan hareen sinisgogorkeriaz. Gero, inguruko auzoetan ibili zan, irakasten.
Jaunak esana.
URTEAN ZEHARREKO XIV. DOMEKA
C urtean
I. Irakurgaia
Ibaika ekarriko deutsat Jerusalemi zoriona.
Isaias Profetaren liburutik
Is 66, 10-14c
Poztu zaiteze Jerusalemegaz,
alaitu
haregaz, maite dozuen guztiok!
Izan
orain haregaz zoriontsu, harengaitik dolu egin zenduenok!
Asetzeraino
edango dozue haren bular gozotik,
atseginez
xurgatuko haren ugatz oparotik.
Esan be hau dino-eta Jaunak:
«Ibaika
ekarriko deutsat Jerusalemi zoriona,
erreka
betean nazinoen ondasuna.
Bularra
emongo deutsuet,
altzoan
eroango eta magalean gozatuko.
Amak
umea kontsolatzen dauan lez,
halantxe
kontsolatuko zaituet Nik;
bai,
Jerusalemen kontsolatuko zaituet.
Hau
ikustean, poztuko jatzue bihotza,
bedar
barria lez loratuko dira zuen hazurrak,
eta
Jaunak bere ahalmena agertuko deutse bere zerbitzariei».
Jaunak esana.
Erantzun salmoa
Sal 66 [65], 1-3a. 4-5. 6-7a. 16 eta 20 (R/. 1)
R/. Lur osoa, egiozu irrintzi Jainkoari.
V/. Lur osoa, egiozu irrintzi Jainkoari,
kanta
haren izen ospetsuari,
emon
aintza eta gorespen hari.
Esan
Jainkoari: «Zein ikaragarriak diran zure egintzak!». R/.
V/. Mundu osoa ahuspezten da zure aurrean,
Kantatu
deioela, kantatu zure izenari.
Zatoze
eta ikusi Jainkoak eginak,
izugarriak
dira gizakien aldeko haren egintzak. R/.
V/. Lehor bihurtu eban itsasoa,
oinez
igaro eben ibaia;
poztu
gaitezan, beraz, haregaz.
Nagusi
da betidanik bere ahalmenaz. R/.
V/. Zatoze eta entzun, Jainkoari begirune
deutsazuenok,
kontatuko
deutsuedaz harek nire alde eginak.
Bedeinkatua
Jainkoa, ez dau-eta baztertu nire otoitza,
ezta
aldendu be nigandik bere maitasuna. R/.
II. Irakurgaia
Jesusen zauri-markak neure gorputzean daroadaz nik.
San Paulo Apostoluak Galaziarrei egindako epistolatik
Ga 6, 14-18
Senideok: Niri dagokidanez, Jainkoak libratu
nagiala harrotzetik, Jesu Kristo gure Jaunaren kurutzean izan ezik; Kristo
kurutzean hil zan ezkero, mundua hilik dago niretzat eta ni munduarentzat. Izan
be, zirkuntzidatu izateak nahiz zirkuntzidatubakoa izateak ez deutso ardura;
balio dauana sorkari barri izatea da.
Bakea eta errukia arau honi lotuta bizi
diranei, baita Jainkoaren Israeli be! Hemendik aurrera ez deidala inork nekerik
emon: Jesusen zauri-markak neure gorputzean daroadaz-eta nik.
Senideok, Jesu Kristo gure Jaunaren grazia
zuen espirituagaz. Amen.
Jaunak esana.
Aleluia
Kol 3, 15a. 16a
R/. Aleluia.
V/. Kristoren bakeak agindu begi zuen bihotzean;
bizi
bedi oparo zuengan Kristoren hitza. R/.
Ebanjelioa
Ebanjelio hau era laburrean ik. honen ondoren.
Haren gainean kokatuko da zuen bakea.
✠ Jesu Kristoren Ebanjelioa San Lukasen liburutik
Lk 10, 1-12. 17-20
Aldi haretan, Jaunak beste hirurogeta hamabi
ikasle izendatu eta bere aurretik bialdu zituan binaka, bera joatekoa zan herri
eta leku guztietara.
Eta esan eutsen: «Uzta ugaria da, baina
beharginak gitxi. Egin, beraz, otoitz uzta-jaubeari bialdu dagizala langileak
bere uztara. Zoaze! Bildotsak otso artera lez bialtzen zaituet. Ez eroan
boltsarik, ez zakutorik, ez oinetakorik, eta ez gelditu bidean inori agur
egiten.
Edozein etxetan sartzen zariela, esaizue
lehenengo: “Bakea etxe honetakoei!” Eta han bakezalerik bada, haren gainean
jarriko da zuen bakea; osterantzean, barriz, zuen bakerik barik geldituko dira.
Gelditu zaiteze etxe berean; eta jan eta edan daukienetik, ze, beharginari zor
jako bere saria.
Ez ibili etxez etxe. Herriren baten sartu
eta ondo hartzen bazaituee, jan ipintzen deutsueenetik, osatu bertako gaixoak
eta esaiezue: “Hurrean dozue Jainkoaren erreinua”.
Baina herriren baten sartu eta onartzen ez
bazaituee, urten plazara eta esan: “Oinetara batu jakun zuen herriko hautsa be
berton astintzen deutsuegu. Dana dala, jakizue hurrean dala Jainkoaren
erreinua”.
Begira: auzi-egunean Sodomak zigor bigunagoa
izango dau, herri harek baino».
Hirurogeta hamabi ikasleak pozez beterik
bihurtu ziran, eta esan eutsoen Jesusi: «Jauna, deabruak be menpean jartzen
jakuz zure izenean».
Jesusek erantzun eutsen: «Oinaztua lez
zerutik jausten ikusi dot Satanas. Begira, sugeak eta eskorpioiak zapaltzeko
eta arerioaren indar guztiak azpian hartzeko ahalmena emon deutsuet, eta ezin
izango deutsue ezerk be kalterik egin. Halan be, ez poztu espirituak menpean
jartzen jatzuezalako; poztu, bai, zeuen izenak zeruan idatzita dagozalako».
Jaunak esana.
Ebanjelioa era laburrean.
Haren gainean kokatuko da zuen bakea.
✠ Jesu Kristoren Ebanjelioa San Lukasen liburutik
Lk 10, 1-9
Aldi haretan, Jaunak beste hirurogeta hamabi
ikasle izendatu eta bere aurretik bialdu zituan binaka, bera joatekoa zan herri
eta leku guztietara. Eta esan eutsen: «Uzta ugaria da, baina beharginak gitxi.
Egin, beraz, otoitz uzta-jaubeari bialdu dagizala langileak bere uztara. Zoaze!
Bildotsak otso artera lez bialtzen zaituet.
Ez eroan boltsarik, ez zakutorik, ez
oinetakorik, eta ez gelditu bidean inori agur egiten. Edozein etxetan sartzen
zariela, esaizue lehenengo: “Bakea etxe honetakoei!” Eta han bakezalerik bada,
haren gainean jarriko da zuen bakea; osterantzean, barriz, zuen bakerik barik
geldituko dira. Gelditu zaiteze etxe berean; eta jan eta edan daukienetik, ze,
beharginari zor jako bere saria.
Ez ibili etxez etxe. Herriren baten sartu
eta ondo hartzen bazaituee, jan ipintzen deutsueenetik, osatu bertako gaixoak
eta esaiezue: “Hurrean dozue Jainkoaren erreinua”.
Jaunak esana.