URTEAN ZEHARREKO VIII. DOMEKA
A urtean
I. Irakurgaia
Ni ez naz zutaz ahaztuko.
Isaias Profetaren liburutik
Is 49, 14-15
Sionek esaten eban:
«Baztertua
nauka Jaunak, ahaztua nire Jaubeak.
Ahaztu
ete daiteke ama bere umetxuaz
edota
ukatu ete leikio bere sabeleko umeari errukia?
Bada,
ama umeaz ahaztuko balitz be,
Ni
ez naz zutaz ahaztuko!»
Jaunak esana.
Erantzun salmoa
Sal 62 [61], 2-3. 6-7. 8-9b (R/. ik. 6a)
R/. Jainkoagan bakarrik dau atseden nire barruak.
V/. Jainkoagan bakarrik dau atseden nire barruak,
harengandik
datorkit-eta salbazinoa.
Ha
bakarrik nire harri eta salbazino,
bera
nire gotorleku; ez naz kili-kolo egongo. R/.
V/. Ene barrua, Jainkoagan bakarrik izan atseden,
harengandik
datorkit-eta itxaropena.
Ha
bakarrik nire harri eta salbazino,
bera
nire gotorleku: ez naz kili-kolo egongo. R/.
V/. Jainkoagan nire salbazinoa eta ohorea,
Jainkoa
nire harkaitz sendoa eta babeslekua.
Izan
konfiantza harengan eten barik, haren herri zarienok,
zabaldu
hari zeuen bihotza. R/.
II. Irakurgaia
Jaunak agertuko ditu bihotzeko asmo gordeak.
San Paulo Apostoluak Korintoarrei egindako lehenengo epistolatik
1 Ko 4, 1-5
Senideok: Hartu gagiezala guztiek Kristoren
zerbitzaritzat eta Jainkoaren misterioen administratzailetzat. Eta
administratzaileari leiala izatea eskatzen jako.
Niri dagokidanez, ez deust bape ardura zuek
edo edozein giza auzitegik ni epaitzeak. Neuk be ez dot epaitzen neure burua.
Egia da kontzientziak ez nauala ezertan salatzen; baina horrek ez dau esan gura
neure burua errubakotzat daukadanik, ze Jaunak nau epaitzen.
Ez dagizuela, beraz, ordua baino lehen
epaitu. Itxaron Jauna etorri arte. Harek argituko dau ilunpean ezkutaturik
dagoana, harek agertuko bihotzeko asmo gordeak. Eta, orduan, bakotxak merezi
dauana jasoko dau Jainkoagandik.
Jaunak esana.
Aleluia
Heb 4, 12
R/. Aleluia.
V/. Bizia da Jainkoaren hitza, bizia eta
eraginkorra,
eta
barruko pentsamentuak eta asmoak aztertzen ditu. R/.
Ebanjelioa
Ez kezkatu biharko egunaz.
✠ Jesu Kristoren Ebanjelioa San Mateoren liburutik
Mt 6, 24-34
Aldi haretan, Jesusek esan eutsen ikasleei:
«Ezin da inor nagusi biren morroi izan; izan be, bata gorroto izango dau eta
bestea maiteko, edota batari leial izango jako eta bestea ez dau aintzat
hartuko. Ezin zarie Jainkoaren eta diruaren morroi izan.
Horregaitik dinotsuet: Ez kezkatu bizitzeko
zer jango edota gorputza zerez jantziko. Ez ete da bizia janaria baino gehiago,
eta gorputza jantzia baino gehiago? Begira zeruko hegaztiei: ez dabe ereiten,
ez uztarik batzen, ez garaian pilotzen; halan be, zeruko zuen Aitak janaritzen
ditu. Ez ete dozue zuek hareek baino askoz gehiago balio?
Asko arduratuta be, zuetariko nork luzatu
leike apurtxu bat bizitza? Eta jantziaz, zergaitik arduratu? Begira zelan
hazten diran loreak zelaietan: ez dira lanean nekatzen, ez dabe iruten; baina,
egia esan, Salomon bera be, bere ospe guztian, ez zan janzten horreetariko bat
baizen apain.
Beraz, gaur bedarlekuan dagoan eta bihar
surtan erreko dan bedarra Jainkoak holan janzten badau, zenbat gehiago zuek,
sinismen gitxikook? Ez arduratu, bada, zer jango, zer edango, zer jantziko
dozuen pentsatuz. Jentilak arduratu ohi dira horreez guztiez. Zeruko zuen Aitak
badaki horreen guztien beharra dozuena. Bilatu lehenengo Jainkoaren erreinua
eta beronen zuzentasuna, eta gainerako guztia gehigarri emongo deutsue
Jainkoak. Ez arduratu, bada, biharko egunaz, ze biharko egunak be ekarriko dau
bere ardura. Nahiko ditu egun bakotxak bere buruhausteak».
Jaunak esana.
URTEAN ZEHARREKO VIII. DOMEKA
B urtean
I. Irakurgaia
Neure emazte egingo zaitut betiko.
Oseasen Profezia liburutik
Os 2, 16b. 17b. 21-22
Honan berba egiten dau Jaunak:
«Basamortura
eroango dot Nik neure herria
eta
bihotzera hitz egingo deutsat.
Han
bere gaztaroan lez erantzungo deust,
Egiptotik
igon ebanean lez.
Neure
emazte egingo zaitut betiko;
neure
emazte egingo justiziaz eta zuzenbidez,
maitasunez
eta errukiz.
Leialtasunez
egingo zaitut neure emazte,
eta
zuk Jauna ezagutuko dozu».
Jaunak esana.
Erantzun salmoa
Sal 103 [102], 1-2. 3-4. 8 eta 10. 12-13 (R/. 8a)
R/. Bihozbera eta errukiorra da Jauna.
V/. Bedeinkatu begi nire arimak Jauna,
nire
barru osoak haren izen santua.
Bedeinkatu
begi nire arimak Jauna,
ez
bedi ahaztu haren mesedeaz. R/.
V/. Erru guztiak deutsuz parkatzen,
gatx
guztiak osatzen;
zure
bizia hilobitik askatzen dau,
maitasunez
eta errukiz koroatzen zaitu. R/.
V/. Bihozbera eta errukiorra da Jauna,
hasarregatxa
eta onginahiz betea.
Ez
gaitu erabiltzen gure pekatuek merezi lez,
ez
deusku ordaintzen geure erruen arabera. R/.
V/. Zelan sortaldea sartaldetik urrun,
halan
ditu harek gure hobenak gugandik urruntzen.
Zelan
aita seme-alabentzat errukior,
halan
Jauna begirune deutsoenentzat bihozbera. R/.
II. Irakurgaia
Zuek Kristoren
gutuna zarie,
geuk idatzia.
San Paulo Apostoluak Korintoarrei egindako bigarren epistolatik
2 Ko 3, 1b-6
Senideok: Gomendio-gutunak behar ete doguz
zuentzat edo zuengandik, beste hainbatek lez? Zuek zarie gure
errekomendazino-eskutitza, geure bihotzean idatzita daroaguna eta jente guztiak
ezagutu eta irakurri dauana. Garbi dago, izan be, zuek Kristoren eskutitza
zariela, guk idatzia, eta ez tintaz, Jainko biziaren Espirituaz baino; ez
harri-losatan, haragi-losatan baino, bihotzean hain zuzen be.
Hau da Kristori esker Jainkoagan dogun
konfiantza. Ez gu geurez ezertarako gai garala uste dogulako; gaitasuna
Jainkoagandik datorkigu-eta; izan be, berak egin gaitu itun barriaren
zerbitzari izateko gai. Itun hori ez da legearen letra hutsean oinarritzen,
Espirituaren indarrean baino, legearen letrak hil egiten dau-eta; Espirituak,
barriz, bizia emoten.
Jaunak esana.
Aleluia
St 1, 18
R/. Aleluia.
V/. Aitak, halan nahita, bizia emon deusku
egiaren mezuaz,
sorkari
guztien artean lehenengoak izan gaitezan. R/.
Ebanjelioa
Senar barria eurekin dabe.
✠ Jesu Kristoren Ebanjelioa San Markosen liburutik
Mk 2, 18-22
Aldi haretan, Joan Bataiatzailearen ikasleek
eta fariseuek barau-eguna eben. Jesusengana joan eta esan eutsoen: «Zelan
egiten dabe barau Joanen ikasleek eta fariseuek, eta zure ikasleek ez?»
Jesusek erantzun eutsen: «Ezteguetara
deituek egin ete leikie barau, senar barria eurekin dabela? Senar barria
eurakaz daben bitartean, ezin leikie barau egin. Etorriko jake, bai, senar
barria kenduko deutsien eguna; orduan, egun haretan, egingo dabe barau.
Inork ez deutsa josten jantzi zaharrari
oihal gordinezko adabakirik; ostantzean, adabaki barriak jantzi zaharra
behartu, eta tarratada handiagoa egiten da. Ez dau inork sartzen ardao barririk
be zahagi zaharretan; ardaoak zahagiak lehertu egingo leukez eta, orduan, ez
ardo eta ez zahagi. Ardao barria zahagi barrietan».
Jaunak esana.
C urtean
I. Irakurgaia
Ez goratu inor hitz egiten entzun baino lehen.
Siraken liburutik
Si 27, 5-8 (gr. 4-7)
Galbaheari eragindakoan, hondarrak gelditzen
dira,
eta
azterketa egitean, gizakiaren akatsak.
Labeak
probatzen ditu lapikogilearen ontziak,
eta
giza arrazoiketak gizakiaren balioa.
Frutuak
erakusten dau zelan zaindu daben arbola,
eta
hitzak gizakiaren pentsamoldea.
Ez
goratu inor hitz egiten entzun baino lehen,
horretan
probatzen dira-eta gizakiak.
Jaunak esana.
Erantzun salmoa
Sal 92 [91], 2-3. 13-14. 15-16 (R/. 2a)
R/. Bai ederra, Jauna, Zu gorestea.
V/. Bai ederra, Jauna, Zu gorestea
eta
zure izena, Goi-goiko, kantuz ospatzea,
goizean
zure maitasuna iragartzea
eta
gauean zure leialtasuna. R/.
V/. Zintzoa palmondoa lez garatuko da,
Libanoko
zedroa lez haziko;
Jaunaren
etxean landatua,
gure
Jainkoaren atarietan garatuko da. R/.
V/. Zaharturik be emongo dau frutua,
mardul
eta heze iraungo dau,
Jauna
zuzena dala iragartzeko,
nire
harkaitza, txarkeriarik ez dauana. R/.
II. Irakurgaia
Garaipena
emoten deusku,
Jesu Kristo
gure Jaunaren bitartez.
San Paulo Apostoluak Korintoarrei egindako lehenengo epistolatik
1 Ko 15, 54-58
Senideok: Gure izate ustelkorra bizi
ustelezinez jantziko danean, eta izate hilkorra hilezkortasunez, orduan beteko
da Liburu Santuak dinoana: «Behin betiko garaitua izan da heriotza. Non dok,
herio, heure garaipena? Non heure eztena?» Heriotza dakarren eztena pekatua da,
eta pekatuak legetik hartzen dau bere indarra. Eskerrak Jainkoari, garaipena emon
deuskulako Jesu Kristo gure Jaunaren bitartez!
Beraz, ene senide maiteok, iraun sendo,
asmoz aldatu barik, Jaunaren lanean gero eta gogotsuago, jakinik Jaunak ez
dauala zuen nekea saririk barik itziko.
Jaunak esana.
Aleluia
Flp 2, 15d-16a
R/. Aleluia.
V/. Izarrek munduan lez egiten dozue argi gizarte
honetan,
bizia
emoten dauan mezuari sendo eutsiz. R/.
Ebanjelioa
Ahoak esan, bihotzari gainezka dariona esaten dau.
✠ Jesu Kristoren Ebanjelioa San Lukasen liburutik
Lk 6, 39-45
Aldi haretan, Jesusek parabola hau esan
eutsen ikasleei: «Izan ete daiteke itsua itsuaren gidari? Ez ete dira biak
zulora jausiko? Ikaslea ez da irakaslea baino gehiago, baina ondo eskolaturiko
ikaslea bere irakaslearen bestekoa izango da.
Zelan ikusten dozu senidearen begiko samarra
eta zeure begiko habeaz konturatzen ez? Zelan esan zeinkio senideari:
“Adiskide, itzidazu begian dozun samarra ataratzen”, zuk zeurean dozun habea
ikusten ez dozula?
Itxurazalea halakoa! Atara lehenengo zeure
begitik habea, eta orduan ikusiko dozu garbi, senidearen begitik samarra
ataratzeko.
Ez da zuhaitz onik frutu txarra emoten
dauanik, ezta zuhaitz txarrik be frutu ona emoten dauanik. Bere frutuetatik
igartzen jako zuhaitzari; elorritik ez da ikorik batzen, ezta sasitik mahatsik
hartzen be. Ona danak ona ataratzen dau bere barruko ondasun-altxorretik, eta
gaiztoak gatxa bere txarkeria altxorretik; ze, ahoak esan, bihotzari gainezka
dariona esaten dau».
Jaunak esana.