URTEAN ZEHARREKO VI. DOMEKA
A urtean
(.pptx)
I. Irakurgaia
Ez deutsa inori fedebako izateko agindu.
Siraken liburutik
Si 15, 16-21 (gr. 15-20)
Nahi badozu, gordeko dozuz aginduak,
eta
zintzo beteko Jaunaren nahia.
Harek
sua eta ura jarri deutsuz aurrean;
nora
nahi, hara eroan zeinke eskua.
Bizia
eta heriotza dagoz gizakiaren aurrean jarrita;
zer
dauan aukeratzen, haxe emongo jako.
Handia
da, bai, Jaunaren jakituria,
handia
da haren ahalmena eta dana ikusten dau.
Begirune
deutsoenengan ditu jarriak begiak,
gizakiak
egindako guztia ezagutzen dau.
Ez
deutsa inori fedebako izateko agindu,
ezta
inori pekatu egiteko baimenik emon be.
Jaunak esana.
Erantzun salmoa
Sal 119 [118], 1-2. 4-5. 17-18. 33-34 (R/. 1b)
R/. Zorionekoak Jaunaren lege-bidean dabiltzanak.
V/. Zorionekoak jokabide akats bakoa dabenak,
Jaunaren
lege-bidean dabiltzanak.
Zorionekoak,
haren aginduak betez,
haren
bila bihotz-bihotzez dabiltzanak. R/.
V/. Jauna, legeak ezarri dozuz,
arretaz
gorde daiguzan.
Izan
beitez sendo nire bideak,
zure
arauak betetzeko. R/.
V/. Egiozu on zeure zerbitzari honi; biziko naz
eta
gordeko dot zure hitza.
Edegi
nire begiak, ikusi daidazan
zure
legearen irakaspen harrigarriak. R/.
V/. Irakatsi niri, Jauna, zeure arauen bidea,
horri
jarraitzea izango dot saria.
Emoidazu
ulermena, eta beteko dot zure legea,
bihotz-bihotzez
dot gordeko. R/.
II. Irakurgaia
Jainkoak
betidanik erabagita eukan jakituria
gure
aintzarako.
San Paulo Apostoluak Korintoarrei egindako lehenengo epistolatik
1 Ko 2, 6-10
Senideok: Jakituria irakasten deutsegu guk
kristau helduei; baina jakituria hori ez da mundu honetakoa, ezta laster
galduko diran mundu honetako agintariena be. Guk Jainkoaren jakituria misteriotsua
irakasten dogu, harek ezkutuan eukia eta betidanik gure aintzarako erabagita
eukana. Mundu honetako agintarietako inork ez dau ezagutu jakituria hori, izan
be, ezagutu izan balebe, ez eben kurutzeratuko Jainkoaren aintza beragaz eban
Jauna.
Baina, Liburu Santuak dinoan lez, «inork
ikusi eta entzun ez dauana, gizakiari inoiz bururatu ez jakona, Jainkoak bera
maite dabenentzat prestaturik eukana», horixe agertu deusku Jainkoak
Espirituaren bidez. Espirituak, izan be, guztia aztertzen dau, baita Jainkoaren
barru-barrua be.
Jaunak esana.
Aleluia
Ik. Mt 11, 25
R/. Aleluia.
V/. Bedeinkatua Zu, Aita, zeru-lurren Jauna,
erreinuari
buruzko Barri Ona
jente
apalari agertu deutsazulako. R/.
Ebanjelioa
Ebanjelio hau era laburrean ik. honen ondoren.
Entzuna dozue
antxinakoei agindua;
Nik, ostera,
hau dinotsuet.
✠ Jesu Kristoren Ebanjelioa San Mateoren liburutik
Mt 5, 17-37
Aldi haretan, Jesusek hauxe esan eutsen bere
ikasleei: «Ez uste izan Moisesen legea edota profeten esanak baztertzera
etorria nazanik; ez naz baztertzera etorri, euren betera eroatera baino.
Benetan dinotsuet: Zeru-lurrek iraungo daben bitartean, legearen letrarik edo
zeinurik txikienak be ez dau baliorik galduko, dana bete arte. Beraz, agindurik
txikienetako bat hausten dauana eta hausten irakasten, txikiena izango da
zeruetako erreinuan; betetzen dauana, barriz, eta betetzen irakasten, handia
izango da zeruetako erreinuan. Hara zer dinotsuedan: «Jainkoaren nahia
lege-maisuek eta fariseuek baino hobeto betetzen ez badozue, ez zarie sartuko
zeruetako erreinuan.
Entzunda daukazue antxinakoei agindua: “Ez
hil inor”, eta norbait hiltzen dauana errudun izango da auzitegian. Nik,
ostera, hauxe dinotsuet: Bere senideagaz hasarretzen dana errudun izango da
auzitegian; senideari “zoroa” esaten deutsana errudun izango da batzar
nagusian, eta “sinistebako” esaten deutsana infernuko surtarako errudun izango
da.
Halandaze, zeure oparia altarean
eskeintzean, gogoratzen bajatzu zure senideak badauala zer edo zer zure aurka,
itzi oparia han bertan, altara aurrean, eta zoaz lehenengo senideagaz bakeak
egitera; etorri orduan eta eskeini zeure oparia.
Konpondu zaitez lehenbailehen zeure
arerioagaz, berarekin auzitegira zoazen bitartean, arerioak epailearen esku
jarri ez zagizan, eta epaileak ertzainaren esku, eta giltzapean sartu ez
zagiezan. Benetan dinotsut: Ez dozu handik urtengo, harik eta azken txanpona
ordaindu arte».
Entzuna dozue antxinakoei agindua: “Ez egin
adulteriorik”. Nik, barriz, hauxe dinotsuet: Emakumeari lizunkeriaz begiratzen
deutsanak egin dau jadanik adulterioa bere bihotzean.
Eskumako begia galbide bajatzu, atara eta
bota zeugandik urruti: hoba dozu gorputz-atal bat galdu, oso-osorik infernura
jaurtia izan baino. Eskumako eskua galbide bajatzu, ebagi eta bota zeugandik
urrun: hoba dozu gorputz-atal bat galdu, oso-osorik infernura joan baino.
Agindua dago beste hau be: “Emaztea izten
dauanak emon deiola dibortzio-agiria”. Nik, ostera, hauxe dinotsuet: Bere
emaztea izten dauanak –legez kontra alkartuak ez badira behintzat– adulteriora
bultzatzen dau emaztea; eta itzitako emakumeagaz ezkontzen danak adulterioa
egiten dau.
Entzuna dozue antxinakoei agindu jakena: “Ez
egin guzurrezko zinik”, eta “bete Jaunari egindako zinak”. Nik, ostera, hauxe
dinotsuet: Ez egin ezelako zinik, ez zeruagaitik ze, Jainkoaren tronua da; ez
lurragaitik, haren oin-aulkia da-eta; ezta Jerusalemengaitik be, Errege
handiaren uria da-eta. Ez egin zinik zeure buruagaitik be, ze ezin zeinke zeure
ule bakar bat be zuri edo baltz bihurtu.
Zuek esan egizue “bai”, bai danean, eta
“ez”, ez danean; gainerakoa gaiztoagandik dator».
Jaunak esana.
(Homilia)
Ebanjelioa era laburrean.
Entzuna dozue
antxinakoei agindua;
Nik, ostera,
hau dinotsuet.
✠ Jesu Kristoren Ebanjelioa San Mateoren liburutik
Mt 5, 20-22a. 27-28. 33-34a. 37
Aldi haretan, Jesusek hauxe esan eutsen bere
ikasleei: Hara zer dinotsuedan: «Jainkoaren nahia lege-maisuek eta fariseuek
baino hobeto betetzen ez badozue, ez zarie sartuko zeruetako erreinuan.
Entzunda daukazue antxinakoei agindua: “Ez
hil inor”, eta norbait hiltzen dauana errudun izango da auzitegian. Nik,
ostera, hauxe dinotsuet: Bere senideagaz hasarretzen dana errudun izango da
auzitegian.
Entzuna dozue antxinakoei agindua: “Ez egin
adulteriorik”. Nik, barriz, hauxe dinotsuet: Emakumeari lizunkeriaz begiratzen
deutsanak egin dau jadanik adulterioa bere bihotzean.
Entzuna dozue antxinakoei agindu jakena: “Ez
egin guzurrezko zinik”, eta “bete Jaunari egindako zinak”. Nik, ostera, hauxe
dinotsuet: esan egizue “bai”, bai danean, eta “ez”, ez danean; gainerakoa
gaiztoagandik dator».
Jaunak esana.
URTEAN ZEHARREKO VI. DOMEKA
B urtean
I. Irakurgaia
Bakarrik biziko
da legenarduna,
kanpalekutik
aparte.
Lebitarrena liburutik
Lb 13, 1-2. 44-46
Honan berba egin eutsen Jaunak Moisesi eta
Aaroni: «Norbaiti narruazalean handituak, zornadurak edota orbanak urteten
badeutsa, legenarena lako zauria sortuz, Aaron abadeagana nahiz haren
ondorengoetako abade batengana eroango dabe. Legenarduna da; kutsaturik dago,
eta halan autortuko dau abadeak buruan dauan gatxagaitik.
Legenak jota dagoanak jantziak urratuak
eroango ditu, ulea harro eta aurpegia erdi estalduta, eta "kutsatua,
kutsatua!" oihu egingo dau. Gatxak alde egin arte, kutsatua izango da eta
bakarrik biziko, kanpalekutik aparte».
Jaunak esana.
Erantzun salmoa
Sal 32 [31], 1-2. 5. 11 (R/. 7)
R/. Zeu zaitut babesleku,
askapen-kantuz inguratzen nozu.
V/. Zorionekoa hobena kendu
eta
pekatua parkatu deutsoena.
Zorionekoa
Jaunak errurik leporatzen ez deutsana,
barruan
maltzurkeriarik ez dauana. R/.
V/. Orduan, autortu neutsun neure pekatua,
neure
errua ez neutsun ezkutatu.
Esan
neban: «Autortuko deutsat Jaunari neure hobena»,
eta
Zuk parkatu zeunstan neure pekatuaren errua. R/.
V/. Poztu eta alaitu Jaunagan, zintzook,
egin
pozez oihu, bihotz zuzeneko guztiok. R/.
II. Irakurgaia
Izan zaiteze
nire antzeko,
ni Kristoren
antzeko nazan lez.
San Paulo Apostoluak Korintoarrei egindako lehenengo epistolatik
1 Ko 10, 31–11, 1
Senideok: Nahiz jan, nahiz edan, nahiz beste
edozer egiten dozuela, egizue dana Jainkoaren aintzarako. Ez izan jausbide, ez
judeguentzat, ez jentilentzat, ez Jainkoaren eleiz alkartearentzat be. Ni be
guztiei gauza guztietan atsegin emoten ahalegintzen naz, eta ez dot bilatzen
neure ona, besteena baino, guztiak salbatu daitezan.
Izan zaiteze nire antzeko, ni Kristoren
antzeko nazan lez.
Jaunak esana.
Aleluia
Lk 7, 16
R/. Aleluia
V/. Profeta handia sortu da gure artean,
eta
Jainkoa bere herria salbatzera etorri da. R/.
Ebanjelioa
Alde egin eutson legenak, eta garbi gelditu zan.
✠ Jesu Kristoren Ebanjelioa San Markosen liburutik
Mk 1, 40-45
Aldi haretan, legenardun bat etorri jakon
erreguka Jesusi eta, belaunikaturik, esan eutson: «Nahi badozu, garbitu
naikezu». Jesusek, errukiturik, eskua luzatu eta ikutu egin eban, esanez: «Gura
dot, izan zaitez garbi». Orduan bertan alde egin eutson legenak, eta garbi
gelditu zan.
Jesusek bialdu egin eban, zorrotz aginduz:
«Kontuz gero! Ez esan inori ezer. Baina zoaz, agertu abade nagusiagana eta,
ezaugarri izan dagien, eskeini garbikuntzaren ordainez Moisesek agindutakoa».
Ha, ostera, urten ebaneko, gertatua
iragartzen eta zabaltzen hasi zan oihuka, eta harrezkero ezin zan Jesus inongo
herritan agirian sartu, eta kanpoan gelditzen zan, leku bakartietan. Halan be,
edonondik etorkion jentea.
Jaunak esana.
URTEAN ZEHARREKO VI. DOMEKA
C urtean
I. Irakurgaia
Madarikatua
konfiantza gizakiagan dauana.
Bedeinkatua
konfiantza Jaunagan dauana.
Jeremias Profetaren liburutik
Jr 17, 5-8
Honan berba egiten dau Jaunak:
«Madarikatua
konfiantza gizakiagan dauana,
giza
indar hutsean oinarritzen dana
eta
bihotza Jaunagandik urruntzen dauana.
Basamortuko
kardulatzaren antzeko da,
ez
dau sasoi onik izango;
basamortu
kiskalduan landatuta dago,
bizi
ezinezko gatz-lurrean.
Bedeinkatua
konfiantza Jaunagan dauana,
bere
euskarri Jauna dauana.
Ur-ertzean
landatutako zuhaitzaren antzeko da,
ur
bizigarrietara zabaltzen ditu sustraiak;
ez
deutsa sargoriari bildurrik,
haren
orriak beti hezerik;
lehor-urtean
be ha nasai,
ez
deutsa itziko frutu emoteari».
Jaunak esana.
Erantzun salmoa
Sal 1, 1-2. 3. 4 eta 6 (R/. Sal 40 [39], ik. 5a)
R/. Zorionekoa
Jaunagan itxaropidea jartzen dauana!
V/. Zorionekoa gaiztoen aholkuari jarraitzen ez
deutsana,
pekatarien
bidean ez dabilena,
ezta
lotsabakoen batzarrean jesartzen be;
Jaunaren legean atsegin dauana baino,
haren
legea gau eta egun hausnartzen dauana. R/.
V/. Ur-ertzean landaturiko zuhaitzaren antzekoa
da:
emoten
dau bere sasoian frutua,
eta
ez jako orririk igartzen;
egiten
dauan guztiak ondo deutsa urteten. R/.
V/. Ez holan gaiztoak, ez holan,
haizeak
daroan galautsaren antzekoak dira.
Jaunak
zaintzen dau zintzoen bidea;
gaiztoena,
barriz, galdu egiten da. R/.
II. Irakurgaia
Kristo biztu ez
bada,
zentzunik bakoa
da zuen sinismena.
San Paulo Apostoluak Korintoarrei egindako lehenengo epistolatik
1 Ko 15, 12. 16-20
Senideok: Kristo hilen artetik biztua dala
iragartzen bada, zelan esaten dabe zuetako batzuek hilak ez dirala bizten?
Izan be, hilak bizten ez badira, Kristo be
ez da biztu. Eta Kristo biztu ez bada, alperrekoa da zuen sinismena: zeuen
pekatuetan zagoze oraindino. Eta zer esanik ez, hil diran kristauak be galduak
dira. Kristogan jarria dogun itxaropenak bizitza honetarako bakarrik balio
badau, gizaki guztietan errukarrienak gara.
Baina ez, biztu da Kristo hilen artetik,
heriotzatik biztuko diranetan lehen-frutu.
Jaunak esana.
Aleluia
Lk 6, 23ab
R/. Aleluia.
V/. Alaitu zaiteze eta egin pozez salto,
handia
izango da-eta zuen saria zeruan. R/.
Ebanjelioa
Zorionekoak
behartsuok.
Baina ai zuek,
aberatsok!
✠ Jesu Kristoren Ebanjelioa San Lukasen liburutik
Lk 6, 17. 20-26
Aldi haretan, Jesus ikasleakaz menditik
jatsi eta zelaigune baten gelditu zan. Ikasle multzo handia zan harekin; baita
herriko jentetza ugaria be, Judea osotik, Jerusalemdik eta Tiroko eta Sidongo
itsasaldetik etorria.
Jesusek, ikasleei begira, esan eutsen:
«Zorionekoak
txirook,
Jainkoaren
erreinua zeuena da-eta.
Zorionekoak
orain gose zarienok,
ze,
aseko zaitue Jainkoak.
Zorionekoak
orain negar egiten dozuenok,
ze,
barre egingo dozue.
Zorionekoak zuek, Gizonaren Semea dala-eta
jenteak gorrotatu, euren artetik bota eta madarikatuko zaitueenean eta izen
txarra emongo deutsueenean. Alaitu zaiteze egun horretan eta egin pozez salto
ze, handia izango da zuen saria zeruan; gauza berbera egin eutsien profetei
jente horren gurasoek.
Baina ai zuok, aberatsok,
ze, hartu dozue zeuen poza!
Ai zuok, orain aseta zagozenok, gose izango
zarie-eta!
Ai zuok, orain barre egiten dozuenok,
ze, aiene eta negar egingo dozue!
Ai zuok, mundu guztiak zuetaz ondo berba
egingo dauanean ze, gauza berbera egin eutsien sasiprofetei jente horren
gurasoek!»
Jaunak esana.