URTEAN ZEHARREKO XX. DOMEKA
A urtean
I. Irakurgaia
Atzerritarrak neure mendi santura ekarriko ditut.
Isaias Profetaren liburutik
Is 56, 1. 6-7
Hauxe dino Jaunak:
«Gorde
zuzenbidea, egin justizia,
heldu
zorian dago-eta nire salbazinoa,
agertu
zorian nire garaipena.
Jaunaren
kultu-zerbitzurako,
haren
izena maitatzeko eta haren morroi izateko
lotuko
jakozan atzerritarrak,
zapatua
profanatu barik gordetzen dabenak
eta
nire itunean leial irauten daben guztiak
neure
mendi santura ekarriko ditut,
eta
pozez beteko neure otoitz-etxean;
onartuko
ditut neure altara gainean
hareen
erre-opariak eta sakrifizioak;
nire
etxea otoitz-etxe dalako,
eta
halan deituko dabe herri guztiek».
Jaunak esana.
Erantzun salmoa
Sal 67 [66], 2-3. 5. 6 eta 8 (R/. 4)
R/. Ene Jainko, aitatu zagiezala herriek,
aitatu zagiezala herri guztiek.
V/. Erruki bekigu Jainkoa eta bedeinkatu
gagizala,
agertu
deigula aurpegi argia,
ezagutu
dagien munduan zure bidea,
nazino
guztietan Zugandiko salbazinoa. R/.
V/. Poztu beitez kantari nazinoak,
zuzentasunez
dozuz-eta gobernatzen herriak
eta
gidatzen munduan nazinoak. R/.
V/. Ene Jainko, aitatu zagiezala herriek,
aitatu
zagiezala herri guztiek.
Bedeinkatu
gagizala Jainkoak,
izan
deiola begirune mundu osoak. R/.
II. Irakurgaia
Behin betikoak
dira Israelentzat
Jainkoaren
dohaiak eta deia.
San Paulo Apostoluak Erromatarrei egindako epistolatik
Erm 11, 13-15. 29-32
Senideok: Zuei, jentiloi, dinotsuet:
«Jentilen apostolu nazanez, ospetsu egin nahi dot neure zerbitzu hau, ea neure
jatorrikoen inbidia bizten dodan eta horreetako batzuk salbatzen ditudan.
Israeldarrak baztertzetik Jainkoagaz baketzea etorri bajako munduari, zer ete
datorke Jainkoak hareek barriro onartzetik? Heriotzatik bizitzara bihurtzea
izango litzateke hori!
Behin betikoak dira Jainkoaren dohaiak eta
deia. Zuek, sasoi baten Jainkoagaz errebelde zinienok, orain, israeldarren
errebeldiari esker, errukia lortu dozue. Era berean hareek be: orain errebelde
bihurtu dira, zuei egin jatzuen errukiari esker errukia lortu dagien. Jainkoak
errebelde izaten itzi eutsen-eta gizon-emakume guztiei, danei erruki izateko».
Jaunak esana.
Aleluia
Ik. Mt 4, 23
R/. Aleluia.
V/. Erreinuari buruzko Barri Ona iragartzen eban
Jesusek,
eta
herrian gatx guztiak osatzen ebazan. R/.
Ebanjelioa
Emakumea, handia da zure fedea!
✠ Jesu Kristoren Ebanjelioa San Mateoren liburutik
Mt 15, 21-28
Aldi haretan, Tiroko eta Sidongo lurraldera
aldendu zan Jesus. Horretan, inguru hareetan bizi zan emakume kanaandar bat
deadarka hasi jakon: «Jauna, Daviden Semea, erruki zakidaz! Oinaze gorritan
dauka deabruak nire alaba». Baina Jesusek ez eutson berbarik erantzun.
Ikasleak, hurreraturik, erreguka ebilkozan:
«Egiozu jaramon, eta doala, ze deadar baten datorkigu atzetik». Jesusek,
ostera: «Israel herriko ardi galduakana bakarrik bialdu nau Jainkoak».
Baina emakumea, hurreraturik, ahuspez jarri
jakon, esanez: «Lagundu eidazu, Jauna!» Jesusek, orduan: «Ez dago ondo
seme-alabei ogia kendu eta txakurrei botatzea». Emakumeak erantzun eutson:
«Bai, Jauna, halantxe da; baina txakurrek be jaten ditue nagusien mahaitik
jausten diran ogi-apurrak».
Orduan, Jesusek esan eutson: «Emakume,
handia da zure sinismena! Jazo bekizu gura dozun hori». Eta une harexetatik
osaturik gelditu jakon alaba.
Jaunak esana.
B urtean
I. Irakurgaia
Zatoze, jan
nire ogia,
eta edan nik
nahastutako ardaoa.
Esaera Zaharrak liburutik
Es 9, 1-6
Jakituriak bere etxea eraiki dau, zazpi
zutabe landu ditu;
abereak
hil ditu, ardaoa nahastu eta mahaia prest dau.
Neskameak
bialdu ditu uriko goialdeetatik deadar hau egitera:
«Ikasi
bakoa betor hona!»
Zentzunbakoei esaten deutse:
«Zatoze,
jan nire ogia eta edan nik nahastutako ardaoa.
Itzi
zorakeriak eta biziko zarie, jarraitu zentzunezko bideari».
Jaunak esana.
Erantzun salmoa
Sal 34 [33], 2-3. 10-11. 12-13. 14-15 (R/. 9a)
R/. Dastatu egizue eta ikusi zein ona dan Jauna.
V/. Bedeinkatuko dot aldi oro Jauna,
nire
ahoan beti haren gorespena.
Harro
nago Jaunagaz,
entzun
begie apalek eta poztu beitez. R/.
V/. Izan Jaunari begirune zuek, hari sagaratuok,
ez
jake-eta ezer falta begirune deutsoenei.
Aberatsek
ezagutzen dabe beharrizana eta gosea;
Jaunagana
jotzen dabenei ez jake onik falta. R/.
V/. Zatoze, seme-alabok, eta entzun;
Jaunari
begirune izaten irakatsiko deutsuet.
Nork
ez dau bizia maite?
Nork
ez dau luzaro bizi nahi, zoriontsu izateko? R/.
V/. Gorde mihina gatxetik,
ezpanak
engainu-hitzetik.
Alde
gatxetik, egin on dana,
bilatu
bakea eta lehiatu haren alde. R/.
II. Irakurgaia
Ahalegindu Jaunaren nahia zein dan ulertzen.
San Paulo Apostoluak Efesoarrei egindako epistolatik
Ef 5, 15-20
Senideok: Begiratu arretaz zelan zabiltzen;
ez jokatu ganora barik, zentzunez baino, egokieraz baliatuz, sasoi txarrak
doguz-eta. Ez izan, bada, burubako; ahalegindu, ostera, Jaunaren nahia zein dan
ulertzen.
Ez mozkortu, ardaotik nasaikeria dator-eta;
bete zaiteze, ostera, Espirituaz, zeuen artean salmoak, gorazarreak eta kantu
inspiratuak abestuz. Kantatu eta egin gorazarre Jaunari bihotz-bihotzez, gauza
guztiakaitik Jainko Aitari eten barik eskerrak emonez, Jesu Kristo gure
Jaunaren izenean.
Jaunak esana.
Aleluia
Jn 6, 56
R/. Aleluia.
V/. Nire haragia jaten eta nire odola edaten
dauana
Nigan
dago eta Ni harengan, dino Jaunak. R/.
Ebanjelioa
Nire haragia
benetako janari da,
eta nire odola
benetako edari.
✠ Jesu Kristoren Ebanjelioa San Joanen liburutik
Jn 6, 51-58
Aldi haretan, Jesusek esan eutson jenteari:
«Neu naz zerutik jatsia dan ogi bizia; ogi honetatik jaten dauana betiko biziko
da. Eta Nik emongo dodan ogia neure haragia da, mundua bizi dadin emona».
Judeguek eztabaidan ziharduen euren artean:
«Zelan emon ahal deusku honek bere haragia jaten?»
Jesusek esan eutsen: «Bene-benetan
dinotsuet: Gizonaren Semearen haragia jaten eta haren odola edaten ez badozue,
ez dozue bizirik izango zeuongan. Nire haragia jaten eta nire odola edaten
dauanak betiko bizitza dauka, eta Neuk biztuko dot hori azken egunean. Izan be,
nire haragia benetako janaria da eta nire odola benetako edaria. Nire haragia
jaten eta nire odola edaten dauana Neugan dago eta Ni harengan.
Bizia dan Aitak bialdu nau eta Ni Aitari
esker bizi naz; era berean, Ni jaten nauana Neuri esker biziko da. Hauxe da
zerutik jatsi dan ogia; ez da zuen gurasoek jan ebena lakoa, ze, hareek hil
egin ziran. Ogi honetatik jaten dauana betiko biziko da».
Jaunak esana.
C urtean
I. Irakurgaia
Danekin
eztabaidan eta auzitan jarduteko
ekarri ninduzun
mundura.
Jeremias Profetaren liburutik
Jr 38, 4-6. 8-10
Egun hareetan, buruzagiek esan eutsoen
erregeari: «Jeremias honek bizia zor dau! Bere hitzez, herrian gelditzen diran
gudariak eta herritar guztiak adorebakotu besterik ez dau egiten. Ez dihardu
herriaren onerako, kalterako baino».
Sedekias erregeak erantzun eutsen: «Zeuen
esku dozue! Erregeak ezin leike ezer zuen aurka».
Hartu eben, beraz, Jeremias eta
errege-familiako Melkias printzearen putzuan sartu eben, sokaz jatsiz. Putzua
kartzelako atarian egoan eta ez eban urik, lokatza baino. Jeremias lokatzetan
sarturik gelditu zan.
Ebed-Melek jauregitik erregeagana joan zan
eta esan eutson: «Errege jauna, txarto jokatu dabe gizon horreek Jeremias
profetagaz; putzura bota dabe, eta goseak hilko da bertan, ez dago-eta ogirik
urian».
Orduan, agindu hau emon eutson erregeak
Ebed-Melek etiopiarrari: «Hartu zeugaz hiru gizon eta atara Jeremias profeta
putzutik, hil baino lehen».
Jaunak esana.
Erantzun salmoa
Sal 40 [39], 2. 3. 4. 18 (R/. ik. 14b)
R/. Jauna, zatorkidaz azkar laguntzera!
V/. Jaunagan neban jarria itxaropen guztia,
makurtu
eta entzun dau nire oihua. R/.
V/. Atara nau hondamen-putzutik,
zingira
lohitsutik;
hatx
gainean jarri ditu nire oinak,
sendotu
ditu nire pausuak. R/.
V/. Kantu barria ipini deust ezpanetan,
gorespen-kanta
gure Jainkoarentzat;
hau
ikusiz jente asko ikaratuko da,
eta
Jaunagan izango dau konfiantza. R/.
V/. Dohakabe eta behartsu naz ni,
baina
Jauna da nitaz arduratzen.
Zeu
zaitut laguntzaile eta askatzaile,
ene
Jainko, ez luzatu. R/.
II. Irakurgaia
Ekin deiogun
atzera egin barik
aurrean dogun
lasterketari.
Hebrearrei egindako epistolatik
Heb 12, 1-4
Senideok: Hainbat eta hainbat testiguz
inguraturik gagozan ezkero, itzi daigun oztopo jakun guztia eta inguratzen
gaituan pekatua, eta ekin deiogun, atzera egin barik, aurrean dogun
lasterketari. Jarri daiguzan begiak sinismenaren iturri eta betetzaile dogun
Jesusengan. Honek be, itxaroten eban zorionagaitik, kurutzean hiltzea onartu
eban, heriotzea lotsagarria zala kontuan hartu barik, eta orain Jainkoaren
tronuaren eskumaldean jesarrita dago.
Izan egizue, bada, gogoan pekatarien aldetik
halako erasoaldia eroan eban ha, adorea galdu eta etsi ez dagizuen. Oraindino
ez zarie bizia galtzeraino heldu pekatuaren aurkako zeuen burrukan.
Jaunak esana.
Aleluia
Jn 10, 27
R/. Aleluia.
V/. Nire ardiek entzuten dabe nire ahotsa, dino
Jaunak;
Nik
ezagutzen ditut,
eta
hareek jarraitu egiten deuste. R/.
Ebanjelioa
Ez naz etorri bakea ekartzera, banaketa baino.
✠ Jesu Kristoren Ebanjelioa San Lukasen liburutik
Lk 12, 49-53
Aldi haretan, Jesusek esan eutsen ikasleei:
«Lurrean sua ekartzera etorri naz, eta gurago neuke daborduko sutan balego!
Heriotza-uretan urperatu behar dot, eta hau larria hori bete arte!
Munduari bakea ekartzera etorri nazala uste
dozue ala? Bakea ez, banaketa baino. Ze, hemendik aurrera, etxe bateko bost
senideak banaturik egongo dira: hiru biren kontra eta bi hiruren kontra; aita
semearen aurka eta semea aitaren aurka, ama alabaren aurka eta alaba amaren
aurka, amaginarreba erranaren aurka eta errana amaginarrebaren aurka».
Jaunak esana.