A urtean
I. Irakurgaia
Zatoze, eta jan ordaindu barik.
Isaias Profetaren liburutik
Is 55, 1-3
Hauxe dino Jaunak:
«Egarri
zarien guztiok, zatoze ur bila,
etorri,
dirurik ez dozuenok be;
erosi
garia eta jan ordaindu barik, erosi ardaoa eta esnea doan.
Zergaitik
eralgi dirua, gosez itziko zaitueen janaritan,
eta
lansaria, asetuko ez zaitueen gauzatan?
Entzun
Niri arretaz, eta ondo jango dozue,
janari
gozo mamintsuz janarituko zarie.
Etorri
Nigana eta egon adi,
entzuidazue
eta biziko zarie.
Betiko
ituna egingo dot zuekin,
Davidi
eginiko maitasunezko agintzariari leial eutsiz».
Jaunak esana.
Erantzun salmoa
Sal 145 [144], 8-9. 15-16. 17-18 (R/. ik. 16)
R/. Zabaltzen dozu eskua, Jauna,
eta asea emoten deuskuzu.
V/. Errukiorra eta bihozbera da Jauna,
hasarregatxa
eta onginahiz betea.
Ona
da Jauna guztientzat,
errukiz
betea bere sorkari guztientzat. R/.
V/. Zuri begira dagoz danak zain,
eta
Zuk emoten deutsezu jaten euren sasoian;
zabaltzen
dozu eskua,
eta
bizidun guztiak onginahiz dozuz asetzen. R/.
V/. Zintzoa da Jauna bere bide guztietan,
leiala
egintza guztietan.
Hurrean
dago Jauna dei egiten deutsoenengandik,
benetan
dei egiten deutsoen guztiengandik. R/.
II. Irakurgaia
Ez gaitu ezerk
aldenduko
Jainkoak Jesu
Kristogan agertu deuskun maitasunetik.
San Paulo Apostoluak Erromatarrei egindako epistolatik
Erm 8, 35. 37-39
Senideok: Nork aldenduko gaitu Kristok
deuskun maitasunetik? Atsekabeak, larriak, erasoaldiak, goseak, jantzirik ezak,
arriskuak, ezpatak? Horreetan guztietan erraz urteten dogu garaile, maite izan
gaituan hari esker.
Ziur dakit: ez heriotzek eta ez bizik, ez
aingeruk eta ez goiko beste indarrek, ez oraingok eta ez gerokok, ez ezelako
agintek, ez ortziko eta ez lur azpiko indarrek, ez beste ezelako izakik, ez
gaituana aldenduko Jainkoak Jesu Kristo gure Jaunagan agertu deuskun
maitasunetik.
Jaunak esana.
Aleluia
Mt 4, 4b
R/. Aleluia.
V/. Gizakia ez da ogiz bakarrik bizi,
Jainkoaren
ahotik urteten dauan hitz guztitik baino. R/.
Ebanjelioa
Asetzeraino jan eben guztiek.
✠ Jesu Kristoren Ebanjelioa San Mateoren liburutik
Mt 14, 13-21
Aldi haretan, Joan Bataiatzailearen
heriotzaren barri jakitean, Jesus leku bakarti batera joan zan bera bakarrik
txalupaz. Baina konturatu egin zan jentea eta oinez jarraitu eutson
herrietatik. Txalupatik urtetean, Jesusek jentetza handia ikusi eban; erruki
izan zituan eta gaixoak osatu eutsezan.
Iluntzean, ikasleek hurreratu eta esan
eutsoen: «Leku bakartia da hau eta orduak aurrera doaz. Bialdu egizu jentea,
auzoetara joan eta jatekoa erosi dagian». Jesusek esan eutsen: «Ez dabe zertan
joan; emoiezue zeuok jaten». Hareek, orduan: «Ez daukagu hemen bost ogi eta
arrain bi besterik». Eta Jesusek: «Ekarri hona».
Jenteari bedar gainean jesartzeko agindu
ostean, hartu zituan bost ogiak eta bi arrainak, eta, begiak zerurantz jasorik,
bedeinkapen-otoitza egin, ogiak zatitu eta ikasleei emon eutsezan, eta ikasleek
jenteari. Asetzeraino jan eben guztiek, eta gelditutako hondarrez hamabi otzara
bete batu zituen. Bost mila gizon inguru
ziran jan ebenak, emakumeak eta umeak aparte.
Jaunak esana.
URTEAN ZEHARREKO XVIII. DOMEKA
B urtean
I. Irakurgaia
Euria lez jatsiarazoko deutsuet zerutik janaria.
Urteera liburutik
Ur 16, 2-4. 12-15
Egun hareetan, basamortuan, israeldarren
alkarte osoa marmarrean hasi zan Moisesen eta Aaronen aurka, esanez: «Hobe
genduan Jaunak Egipton hilarazo izan baginduz, haragi-lapiko aurrean jesarri
eta ogia asetzeraino jaten genduanean! Zuek, ostera, goseak hiltzeko ekarri
dozue gure alkarte osoa basamortu honetara!»
Orduan, Jaunak esan eutson Moisesi: «Euria
lez jatsiarazoko deutsuet zerutik janaria. Herriak egunean egunekoa batzera
urtengo dau. Probatu egin nahi dot, ea nire legearen arabera dabilen ala ez.
Entzun ditut israeldarren marmarrak.
Esaiezu: "Arratsaldean haragia jango dozue, eta bihar goizean ogiz asetuko
zarie, eta jakingo dozue Neu nazala Jauna, zuen Jainkoa"».
Arratsaldean, galeperrak etorri ziran eta
kanpaleku osoa estaldu eben, eta biharamun-goizean iruntz-azala agertu zan
kanpaleku-inguruan. Iruntza desagertu zanean, zurdaren itxurako zeozer, mehea
eta garautsua, azaldu zan lurrean. Ha ikustean, alkarri itaunka hasi ziran
israeldarrak: «Zer da hau?» Ez ekien-eta zer zan.
Moisesek esan eutsen: «Jaunak janaritzat
emoten deutsuen ogia da hau».
Jaunak esana.
Erantzun salmoa
Sal 78 [77], 3 eta 4bc. 23-24. 25 eta 54 (R/. 24b)
R/. Zeruko ogia emon eutsen Jaunak.
V/. Guk entzunak eta ikasiak,
gurasoek
guri kontatuak,
kontatuko
deutsaguz hurrengo belaunaldiari
Jaunaren
egintza goresgarriak eta haren ahalmena.
R/.
V/. Orduan, hodeiei agindu eutsen goitik,
eta
zeruko ateak edegi ebazan;
mana
isuri eutsen janari,
zeruko
ogia emon eutsen. R/.
V/. Aingeruen ogia jan eban gizakiak,
asetzeko
lain janari emon eutsen Jainkoak.
Bere
lurralde santura eroan ebazan,
berak
eskuratutako mendira. R/.
II. Irakurgaia
Giza izaera
barria, Jainkoaren irudira sortua,
jantzi behar
dozue.
San Paulo Apostoluak Efesoarrei egindako epistolatik
Ef 4, 17. 20-24
Senideok: Hona zer esaten eta zinez eskatzen
deutsuedan Jaunaren izenean: ez zaitezela hemendik aurrera bizi sinisbakoak
bizi diran lez, burua txikikerietan dabe-eta.
Ez da hori Kristo ezagutzean zuek ikasi
dozuena, egia bada haretaz hitz egiten entzun dozuela. Jesusi dagokion egiazko
irakaspenaren arabera, honako hau ikasi dozue: batetik, zuen lehengo bizierari
uko egin eta giza izaera zaharra, grina engainagarrien eraginez hondatua,
erantzi behar dozuela; bestetik, zeuen gogo-bihotzak barritu eta giza izaera
barria, Jainkoaren irudira sortua, jantzi behar dozuela, Jesusen egiaren
arabera, biziera zuzena eta santua eroateko.
Jaunak esana.
Aleluia
Mt 4, 4b
R/. Aleluia.
V/. Gizakia ez da ogiz bakarrik bizi,
Jainkoaren
ahotik urteten dauan hitz guztitik baino. R/.
Ebanjelioa
Nigana
datorrena ez da gose izango,
eta Nigan sinisten dauana ez da behin be
egarri izango.
✠ Jesu Kristoren Ebanjelioa San Joanen liburutik
Jn 6, 24-35
Aldi haretan, Jesus eta ikasleak han ez
egozala ikustean, jentea txalupetara igon eta Kafarnaumera joan zan, Jesusen
bila. Itsasoaz beste aldean aurkitu ebenean, esan eutsoen: «Maisu, noiz etorri
zara hona?» Jesusek erantzun eutsen: «Bene-benetan dinotsuet: Nire bila
zabiltze, ez ezaugarriak ikusi dozuezalako, ogia asetzeraino jan dozuelako
baino. Ahalegindu zaiteze, ez galtzen dan janariagaitik, irauten dauanagaitik
baino, betiko bizitza emoten dauanagaitik; hori Gizonaren Semeak emongo
deutsue, ze, bera egin dau Jainko Aitak bere aginpidearen ordezkari».
Orduan, itaundu eutsoen: «Zer egin behar
dogu, Jainkoak nahi dauana egiteko?» Jesusek erantzun eutsen: «Hauxe da
Jainkoak nahi dauana: berak bialdu dauanagan zuek sinistea».
Itaundu eutsoen, orduan: «Zein ezaugarri
egiten dozu, guk ikusi eta Zugan sinisteko? Zer egiten dozu? Gure asabek mana
jan eben basamortuan, Liburu Santuak dinoanez: “Zeruko ogia emon eutsen
jaten”».
Jesusek erantzun eutsen: «Bene-benetan
dinotsuet: Ez eutsuen Moisesek emon zeruko ogia; nire Aitak emoten deutsue
zeruko egiazko ogia; izan be, Jainkoaren ogia zerutik jatsi eta munduari bizia
emoten deutsona da».
Orduan, hareek Jesusi: «Jauna, emoiguzu beti
ogi horretatik». Jesusek erantzun eutsen: «Neu naz bizia emoten dauan ogia;
Nigana datorrena ez da gose izango, eta Nigan sinisten dauana ez da behin be
egarri izango».
Jaunak esana.
URTEAN ZEHARREKO XVIII. DOMEKA
C urtean
I. Irakurgaia
Zer gelditzen
jako gizakiari
egin dauan
hainbeste lan eta eginahaletatik?
Kohelet liburutik
Koh 1, 2; 2, 21-23
Huskeria hutsa –dino Koheletek–,
huskeria
hutsa, dana huskeria da.
Izan be, jazotzen da batek buruz, egoki eta trebetasunez lan egin ondoren, ezer egin ez dauanari dana itzi beharra. Hau be huskeria da eta oker handia. Zer gelditzen jako gizakiari eguzkipean egin dauan hainbeste lan eta eginahaletatik? Egunero atsekabea besterik ez dau, eta bere lanetan nekea; gauez be ez dau atsedenik haren bihotzak. Hau be huskeria da.
Jaunak esana.
Erantzun salmoa
Sal 90 [89], 3-4. 5-6. 12-13. 14 eta 17 (R/. ik. 1)
R/. Jauna, gure ihesleku Zeu izan zara
gizalditik gizaldira.
V/. Gizakia hautsera bihurtuarazoten dozu,
esanez:
«Bihurtu lehenera, gizakiok».
Bai,
mila urte zure begietan
atzo
igaro zan eguna adina,
gaualdi
bat adina. R/.
V/. Hor daroazuz gizakiak,
amesa
lez dira;
ernetzen
dira goizean bedarra lez;
goizean
erne eta loratzen da-eta,
arratsaldean
zimeldu eta igartzen. R/.
V/. Irakatsi egiguzu geure egunen kontua eroaten,
zuhurtasunaren
muinaz jaubetu gaitezan.
Bihurtu
zakiguz, Jauna! Noiz arte?
Errukitu
zaitez zeure zerbitzariez. R/.
V/. Asetu gaizuz goizero zeure maitasunaz,
poztu
gaitezan eta zoriontsu izan geure egun guztietan.
Betor
gugana Jaunaren, gure Jainkoaren, gozotasuna
eta
sendotu begi harek gure eskuen lana;
sendotu
dagiala, bai, gure lana. R/.
II. Irakurgaia
Bilatu egizuez zeruko gauzak, han dago-eta Kristo.
San Paulo Apostoluak Kolosarrei egindako epistolatik
Kol 3, 1-5. 9-11
Senideok: Kristogaz berbiztu zarien ezkero,
bilatu egizuez zeruko gauzak, han dago-eta Kristo, Jainkoaren eskumaldean
jesarrita. Bilatu egizuez goiko gauzak, eta ez lurrekoak, hilda zagozelako, eta
zuen bizia Kristogaz dago Jainkoagan gordeta. Kristo, zuen bizia, agertuko
danean, zuok be aintzatsu agertuko zarie haregaz batera.
Hilarazo egizuez, beraz, zeuen barruan mundu
honen araberako jarrerak: lizunkeria, lohikeria, nahikeria eta grina txarrak
eta idolatria dan diru-gosea. Ez esan alkarri guzurrik, izaera zaharra eta
honen araberako jokabidea erantzi eta barria jantzi dozuen ezkero; izaki barri
zarie, beraren egile dan Jainkoaren irudira erabarrituz doana, ezaguera
beteagora heltzeko. Hor ez dago honezkero ez greziarrik eta ez judegurik, ez
erdaindurik eta ez erdainbakorik, ez kulturadunik eta ez kulturabakorik, ez
esklaborik eta ez librerik; Kristo da guztia, eta guztiengan bizi da.
Jaunak esana.
Aleluia
Mt 5, 3
R/. Aleluia.
V/. Zorionekoak gogoz behartsu diranak,
eurena
dabe-eta Jainkoaren erreinua. R/.
Ebanjelioa
Norentzat izango dok pilatu doana?
✠ Jesu Kristoren Ebanjelioa San Lukasen liburutik
Lk 12, 13-21
Aldi haretan, jente arteko batek esan eutson
Jesusi: «Maisu, esaiozu nire anaiari senipartea nigaz erdibana egiteko».
Jesusek
erantzun eutson: «Lagun, nork jarri nau Ni zuen artean epaile edota
ondasun-banatzaile?» Eta jenteari esan eutson: «Kontuz! Gorde zeuen burua
diru-gosetik ze, ondasunek ez deutsoe inori bizia segurtatzen, ugariak izanda
be».
Gero, parabola hau kontatu eutsen: «Gizon
aberats bati lurrak uzta handia emon eutson. Eta holantxe pentsatzen hasi zan
berekautan: “Zer egin, ze ez daukat uzta non jasorik”.
Eta
beretzat esan eban:
“Badakit zer egin: garautegi
zaharrak bota eta handiagoak
egingo dodaz eta hareetan jasoko dodaz garia eta gainerakoak. Gero, esango
deutsat neure buruari: “Ea, mutil! Badaukak hor gordeta urteetarako nahiko
ondasunik; hartu atseden, jan, edan eta ondo bizi!”
Baina Jainkoak esan eutson: “Burubako
halakoa! Gaur gauean bertan hil behar dok. Norentzat izango dok pilotu doana?”»
Eta holantxe amaitu eban Jesusek: «Horra zer
gertatzen jakon, Jainkoarentzat aberats izan beharrean, ondasunak beretzat
pilotzen dituanari».
Jaunak esana.