URTEAN ZEHARREKO XXVIII. DOMEKA
A urtean
I. Irakurgaia
Jai-jatordua
emongo deutse Jaun ahalguztitunak,
eta sikatuko ditu aurpegi guztietako
negar-anpuluak.
Isaias Profetaren liburutik
Is 25, 6-10a
Egun haretan, jai-jatordua emongo deutse
Jaun
ahalguztidunak mendi honetan herri guztiei,
jaki
guri eta edari bikainekin,
haragi
mamintsu eta ardao zahar finekin.
Mendi
honetan kenduko dau
herri
guztien gainean zabalduta dagoan estalkia,
nazino
guztiak estaltzen dituan oihala.
Betiko
hondatuko dau heriotza;
sikatuko
ditu Jainko Jaunak aurpegi guztietako negar-anpuluak
eta
lur osotik aldenduko dau bere herriaren lotsakizuna,
Jaunak
berba egin dau-eta.
Eta
egun haretan esango da:
«Hara
gure Jainkoa!
Itxaroten
genduan salbatuko ginduzala;
Jauna
da: harengan genduan itxaropena.
Poztu
gaitezan eta alaitu salbatu gaitualako.
Jaunaren
eskua mendi honetan kokatuko da».
Jaunak esana.
Erantzun salmoa
Sal 23 [22], 1-3. 4. 5. 6 (R/. ik. 6cd)
R/. Jaunaren etxean naz biziko luzaroen luzaro.
V/. Jauna dot artzain, ez naz ezeren beharrean;
larre
gurietan etzunarazoten nau,
ur-bazter
nasaira eroaten
eta
indarrak deustaz barritzen;
bide
segurutik naroa,
bere
izenari ohore eginez. R/.
V/. Ibar baltz ilunean banabil be,
ez
naz gatxaren bildur,
Zu
nigaz zagoz-eta;
zure
artzain-makilak nasaitzen nau. R/.
V/. Mahaia atontzen deustazu
arerioen
begi-bistan;
orioz
igurzten deustazu burua,
gainezka
dot edontzia. R/.
V/. Zoriona eta maitasuna ditut lagun,
bizitzako
egun guztietan,
eta
Jaunaren etxean biziko naz
amaibako
egunetan. R/.
II. Irakurgaia
Danerako gauza naz indartzen nauan Kristogan.
San Paulo Apostoluak Filipoarrei egindako epistolatik
Flp 4, 12-14. 19-20
Senideok: Badakit urritasunean nahiz
ugaritasunean bizitzen; edozein egoeratarako prestatua nago eta edozertara
jarria: aserik nahiz goseak egotera, ugari eukitzera nahiz beharrizanera.
Danerako gauza naz indartzen nauan Kristogan. Edozelan be, ondo egin zenduen
nire atsekabean zeuen laguntza agertzean.
Ordainetan, nire Jainkoak oparo beteko dau
zuen hutsune guztia, bere aberastasunen arabera Kristo Jesusengan. Aintza
Jainko gure Aitari gizaldien gizaldietan. Amen.
Jaunak esana.
Aleluia
Ik. Ef 1, 17-18
R/. Aleluia.
V/. Jesu Kristo gure Jaunaren Aitak
argitu
dagizala gure barruko begiak,
jakin
daigun zer itxarotera dei egin deuskun. R/.
Ebanjelioa
Ebanjelio hau era laburrean ik. honen ondoren.
Deitu ezteguetara aurkitu ahala guztiak.
✠ Jesu Kristoren Ebanjelioa San Mateoren liburutik
Mt 22, 1-14
Aldi haretan, Jesusek barriro parabola bidez
berba egin eutsen abadeburuei eta herriko zaharrei: «Zeruetako erreinuarekin
gertatzen da bere semearen ezteguak ospatu zituan erregearekin bezala. Bialdu
zituan morroiak konbidatuei dei egitera, baina hareek ez eben etorri gura izan.
Barriro beste morroi batzuk bialdu zituan
mandatu honegaz: “Esaiezue konbidatuei: Hara, gertu daukat bazkaria; hilda
daukadaz zezenak eta zekor lodituak, prest dago dana. Zatoze ezteguetara”.
Baina konbidatuek ez eutsoen jaramonik egin: bata bere lurretara joan zan,
bestea bere negozioetara eta gainerakoek, morroiei heldurik, irainez bete eta
hil egin ebezan.
Hasarratu zan erregea eta, bere soldaduak
bialduz, hil egin zituan hiltzaile hareek, eta su emon hareen herriari.
Gero, bere morroiei esan eutsen: “Ezteguak
prest dagoz, baina konbidatuak ez ziran gai. Zoaze, bada, bidekurutzeetara eta
deitu ezteguetara guztiak aurkitu ahala”. Urten eben morroiok bideetara eta
aurkitutako guztiak batu zituen, on nahiz txar. Eztegu-gela konbidatuz bete
zan.
Erregeak, bazkaltiarrak ikustera sartu
zanean, eztegu-jantzirik barik egoan bat ikusi eta esan eutson: “Adiskide,
zelan sartu zara hona eztegu-jantzirik barik?” Harek berbarik be ez. Erregeak
mahai-zerbitzariei esan eutsen, orduan: “Esku-oinak lotu eta bota egizue
kanpora, ilunpera; han izango da negarra eta hagin-karraskada!” Ze gehiago dira
deituak, aukeratuak baino».
Jaunak esana.
Ebanjelioa era laburrean.
Deitu ezteguetara aurkitu ahala guztiak.
✠ Jesu Kristoren Ebanjelioa San Mateoren liburutik
Mt 22, 1-10
Aldi haretan, Jesusek barriro parabola bidez
berba egin eutsen abadeburuei eta herriko zaharrei: «Zeruetako erreinuarekin
gertatzen da bere semearen ezteguak ospatu zituan erregearekin bezala. Bialdu
zituan morroiak konbidatuei dei egitera, baina hareek ez eben etorri gura izan.
Barriro beste morroi batzuk bialdu zituan
mandatu honegaz: “Esaiezue konbidatuei: Hara, gertu daukat bazkaria; hilda
daukadaz zezenak eta zekor lodituak, prest dago dana. Zatoze ezteguetara”.
Baina konbidatuek ez eutsoen jaramonik egin: bata bere lurretara joan zan,
bestea bere negozioetara eta gainerakoek, morroiei heldurik, irainez bete eta
hil egin ebezan.
Hasarratu zan erregea eta, bere soldaduak
bialduz, hil egin zituan hiltzaile hareek, eta su emon hareen herriari. Gero,
bere morroiei esan eutsen: “Ezteguak prest dagoz, baina konbidatuak ez ziran
gai. Zoaze, bada, bidekurutzeetara eta deitu ezteguetara guztiak aurkitu ahala”.
Urten eben morroiok bideetara eta aurkitutako guztiak batu zituen, on nahiz
txar. Eztegu-gela konbidatuz bete zan.
Jaunak esana.
URTEAN ZEHARREKO XXVIII. DOMEKA
B urtean
I. Irakurgaia
Jakituriaren aldean aberastasuna ezereztzat jo neban.
Jakituria liburutik
Jkt 7, 7-11
Otoitz egin neban, eta zuhurtasuna emon
eustan Jainkoak,
dei
egin neutsan, eta jakituriaren espiritua heldu jatan;
errege-aulkia
eta aginte-makila baino nahiago izan neban;
haren
aldean aberastasuna ezereztzat jo neban;
harribitxirik
preziatuenagaz be ez neban parekatu,
urre
guztia, haren aldean, hondar-apur bat besterik ez,
eta
zidarrak, haren aurrean, lokatza dirudi.
Osasuna
eta edertasuna baino maiteago izan neban
eta
neure argitzat aukeratu,
haren
distira ez da-eta inoiz amatatzen.
Eta
jakituriagaz ondasun guztiak batera etorri jatazan,
eta
ezin konta ahala aberastasun haren eskutik.
Jaunak esana.
Erantzun salmoa
Sal 90 [89], 12-13. 14-15. 16-17 (R/. ik. 14)
R/. Zeure maitasunaz ase gagizuz, Jauna,
poztu gaitezan Zugan.
V/. Irakatsi egiguzu geure egunen kontua eroaten,
zuhurtasunaren
muinaz jaubetu gaitezan.
Bihurtu
zakiguz, Jauna! Noiz arte?
Erruki
zaitez zeure zerbitzariez. R/.
V/. Asetu gagizuz goizero zeure maitasunaz,
poztu
gaitezan eta zoriontsu izan geure egun guztietan.
Emon
zoriona orain arteko atsekabe-egunen ordez,
ikusi
doguzan urte gorrien ordez. R/.
V/. Ikusi begie zure zerbitzariek zure egintza,
eta
hareen seme-alabek zure dirdaia.
Betor
gugana Jaunaren, gure Jainkoaren, gozotasuna
eta
sendotu begi harek gure eskuen lana;
sendotu
dagiala, bai, gure lana. R/.
II. Irakurgaia
Barruko
pentsamentuak eta asmoak aztertzen ditu
Jainkoaren
hitzak.
Hebrearrei egindako epistolatik
Heb 4, 12-13
Bizia da Jainkoaren hitza, bizia eta eraginkorra, aho biko ezpata baino sarkorragoa; arimaren eta espirituaren sakoneraino sartzen da, pertsonaren zokorik ezkutueneraino, eta barruko pentsamentuak eta asmoak aztertzen ditu. Ez da harentzat munduan ezer ikusezinik; dana dago biluzik eta agirian, kontuak emon beharko deutsaguzan haren begien aurrean.
Jaunak esana.
Aleluia
Mt 5, 3
R/. Aleluia.
V/. Zorionekoak gogoz behartsu diranak,
eurena
dabe-eta Jainkoaren erreinua. R/.
Ebanjelioa
Ebanjelio hau era laburrean ik. honen ondoren.
Saldu daukazun guztia, eta jarraitu Niri.
✠ Jesu Kristoren Ebanjelioa San Markosen liburutik
Mk 10, 17-30
Aldi haretan, Jesus abiatzera joiala, gizon
bat etorri jakon lasterka eta, aurrean belaunikaturik, itaundu eutson: «Maisu
ona, zer egin behar dot betiko bizitza ondaretzat jasotzeko?»
Jesusek erantzun eutson: «Zergaitik
dinostazu ona? Inor ez da ona, Jainkoa besterik. Badakizuz aginduak: ez hil
inor, ez egin adulteriorik, ez ostu, ez egin guzurrezko testigantzarik, ez egin
kalterik, hartu aintzat aita-amak». Harek, orduan: «Maisu, gazte-gaztetarik
bete izan dot hori guztia».
Jesus begira jarri jakon maitasunez, eta
esan: «Gauza bat besterik ez jatzu falta: zoaz, saldu daukazun guztia eta emon
behartsuei, eta altxorra izango dozu zeruan; gero, zatoz eta jarraitu Neuri».
Berba honeek entzutean, ilun jarri zan gizona eta atsekabez joan, ondasun
handien jabe zan-eta.
Orduan, Jesusek, ingurura begiratuz, esan
eutsen ikasleei: «Bai nekez sartuko dirala aberatsak Jainkoaren erreinuan!»
Harrituta laga zituan ikasleak esaldi honek. Baina Jesusek barriro be: «Ene
semeok eneok, gatxa da benetan Jainkoaren erreinuan sartzea! Orratzaren begitik
ganbelua igarotzea errezago, aberatsa Jainkoaren erreinuan sartzea baino».
Ikasleek, gero eta harrituago, alkarri
inotsen: «Nor salbatu leiteke, orduan?» Jesusek begira-begira jarri eta esan
eutsen: «Gizakiarentzat ezinezko da, baina Jainkoarentzat ez, ze, dana egin
leike Jainkoak».
Pedrok esan eutson Jesusi: «Hara, guk dan-dana
itzi dogu, Zeuri jarraitzeko».
Jesusek erantzun: «Benetan dinotsuet:
Nigaitik eta Barri Onagatik etxea, senideak, ama, aita, seme-alabak eta lurrak
izten dituanak, orain, mundu honetan, ehun halako hartuko dau: etxe, senide,
ama, seme-alaba eta lur, erasoaldiakaz batera; eta gero, datorren munduan,
betiko bizitza.
Jaunak esana.
Ebanjelioa era laburrean.
Saldu daukazun guztia, eta jarraitu Niri.
✠ Jesu Kristoren Ebanjelioa San Markosen liburutik
Mk 10, 17-27
Aldi haretan, Jesus abiatzera joiala, gizon
bat etorri jakon lasterka eta, aurrean belaunikaturik, itaundu eutson: «Maisu
ona, zer egin behar dot betiko bizitza ondaretzat jasotzeko?»
Jesusek erantzun eutson: «Zergaitik
dinostazu ona? Inor ez da ona, Jainkoa besterik. Badakizuz aginduak: ez hil
inor, ez egin adulteriorik, ez ostu, ez egin guzurrezko testigantzarik, ez egin
kalterik, hartu aintzat aita-amak». Harek, orduan: «Maisu, gazte-gaztetarik
bete izan dot hori guztia».
Jesus begira jarri jakon maitasunez, eta
esan: «Gauza bat besterik ez jatzu falta: zoaz, saldu daukazun guztia eta emon
behartsuei, eta altxorra izango dozu zeruan; gero, zatoz eta jarraitu Neuri».
Berba honeek entzutean, ilun jarri zan gizona eta atsekabez joan, ondasun
handien jabe zan-eta.
Orduan, Jesusek, ingurura begiratuz, esan
eutsen ikasleei: «Bai nekez sartuko dirala aberatsak Jainkoaren erreinuan!»
Harrituta laga zituan ikasleak esaldi honek. Baina Jesusek barriro be: «Ene
semeok eneok, gatxa da benetan Jainkoaren erreinuan sartzea! Orratzaren begitik
ganbelua igarotzea errezago, aberatsa Jainkoaren erreinuan sartzea baino».
Ikasleek, gero eta harrituago, alkarri
inotsen: «Nor salbatu leiteke, orduan?» Jesusek begira-begira jarri eta esan
eutsen: «Gizakiarentzat ezinezko da, baina Jainkoarentzat ez, ze, dana egin
leike Jainkoak».
Jaunak esana.
URTEAN ZEHARREKO XXVIII. DOMEKA
C urtean
I. Irakurgaia
Naaman bihurtu
zan barriro Eliseogana,
eta Jauna
goratu eban.
Erregeak bigarren liburutik
2 Erg 5, 14-17
Egun hareetan, jatsi zan Naaman siriarra
Jordan ibaira eta zazpi bider murgildu zan, Jainkoaren gizonak agindu lez, eta
legenarra desagertu eta umetxuarena baizen garbi gelditu jakon haragia.
Orduan, Jainkoaren gizonagana bihurtu zan
bere lagun-talde osoagaz eta, haren aurrean zutunik, esan eutson: «Orain
badakit ez dala munduan Jainkorik Israelena baino. Otoi, onartu egizu
zerbitzari honen esku-erakutsia». Eliseok erantzun eutson: «Ala Jauna,
zerbitzari nauana! Ez dot ezer hartuko». Naamanek hartzeko eta hartzeko esan
arren, Eliseok ez eban hartu nahi izan.
Orduan, Naamanek: «Ezezkoan zagozan ezkero,
itzi egiozu, behintzat, zeure zerbitzari honi, mando bik eroan leikien lurra
hartzen; gaurtik aurrera ez deutso-eta zure zerbitzariak erre-oparirik eta
sakrifiziorik ezelako jainkori eskeiniko, Jaunari izan ezik».
Jaunak esana.
Erantzun salmoa
Sal 98 [97], 1. 2-3b. 3c-4 (R/. ik. 2)
R/. Agertu dau Jaunak nazinoen aurrean
beragandiko garaipena.
V/. Kanta Jaunari kantu barria,
egintza
harrigarriak egin ditu-eta;
garaipena
emon deutso bere eskumeak,
bere
beso santuak. R/.
V/. Bere garaipena ezagutuazo dau Jaunak,
bere
salbazino-egintza agertu nazinoen aurrean.
Ez
da ahaztu bere maitasunaz,
Israel
herriari deutson leialtasunaz. R/.
V/. Munduko bazter guztiek ikusi dabe
gure
Jainkoaren garaipena.
Egin
irrintzi Jaunari, lur osoa,
egin
poz-oihu eta kantu, jo soinua. R/.
II. Irakurgaia
Haregaz
sufritzen badogu,
haregaz izango
gara errege.
San Paulo Apostoluak Timoteori egindako bigarren epistolatik
2 Tm 2, 8-13
Anaia maitea: Izan gogoan Jesu Kristo,
Daviden jatorritik sortua, hilen artetik biztua. Hau da nik irakasten dodan
Barri Ona eta honegaitik nago neketan, gaizkile lez katez lotua; baina
Jainkoaren hitza ez dago katez lotua. Horregaitik, dana jasaten dot Jainkoak
aukeratu dituanen onerako, horreek be Kristo Jesusek emoten dauan salbazinoa
eta betiko aintza lortu dagien.
Sinisgarria da adierazpen hau:
Haregaz
hiltzen bagara, beragaz biziko gara;
haregaz
sufritzen badogu, beragaz izango gara errege;
ha
ukatzen badogu, berak be ukatu egingo gaitu;
gu
leialak ez bagara be, harek leial dirau,
ezin
daualako bere burua ukatu.
Jaunak esana.
Aleluia
1 Ts 5, 18
R/. Aleluia.
V/. Emon eskerrak beti,
horixe
nahi dau-eta zuentzat Jainkoak
Kristo
Jesusengan. R/.
Ebanjelioa
Ez ete da izan
atzerritar hau besterik
Jainkoa goratzera etortzeko?
✠ Jesu Kristoren Ebanjelioa San Lukasen liburutik
Lk 17, 11-19
Behin baten, Jesus Jerusalemera bidean, Samarian
eta Galilean zehar joian. Herritxu baten sartzean, hamar legenardunek urten
eutsoen bidera. Urrun geldituta, deadarka esan eutsoen: «Jesus, Maisu, erruki
zakiguz!» Jesusek, ikustean, esan eutsen: «Joan eta azaldu abadeakana». Bidean
joiazala, garbi gelditu ziran.
Hareetariko bat, osatuta egoala oharturik,
deadarka Jainkoa goratuz bihurtu eta Jesusen oinetara ahuspez jausi zan,
eskerrak emonez. Samariarra zan bera.
Jesusek esan eban: «Ez dira hamarrak garbi
gelditu ala? Non dira beste bederatziak? Ez ete da izan atzerritar hau besterik
Jainkoa goratzera etortzeko?» Gero, esan eutson: «Jagi eta zoaz; zeure
sinismenak salbatu zaitu».
Jaunak esana